Кыргыз-тажик чек арасындагы чыр. ИИМ иликтөөсүнүн жыйынтыгы эмне болду

© Sputnik / Табылды КадырбековКыргызстан менен Тажикстандын чек ара жаңжалынын кесепеттери. Архив
Кыргызстан менен Тажикстандын чек ара жаңжалынын кесепеттери. Архив - Sputnik Кыргызстан, 1920, 19.10.2021
Жазылуу
Улук тергөөчүнүн айтымында, министрдин буйругу менен түзүлгөн ыкчам-тергөө топтору окуя болгон жерге барып, экспертиза дайындап иликтөө иштерин жүргүзүшкөн.
БИШКЕК, 19-окт. — Sputnik. Баткен облусундагы кыргыз-тажик чек арасындагы жаңжал боюнча дайындалган экспертизалардын жарымынын жыйынтыгы чыкты. Бул тууралуу ИИМдин тергөө кызматынын улук тергөөчүсү Азамат Дүйшөналиев билдирди.
Ал Sputnik агенттигинин мультимедиалык маалымат борборунда өткөн "Кыргызстанда кылмыштуулук өстү. ИИМ кандай чара көрүүдө?" аттуу брифингге катышкан.
Улук тергөөчүнүн айтымында, министрдин буйругу менен түзүлгөн ыкчам-тергөө топтору окуя болгон жерге барып, экспертиза дайындап иликтөө иштерин жүргүзүшкөн.
"Тергөө топтору сотко чейинки 527 материалды карап чыккан. Анын негизинде 330 экспертиза дайындалган. Бүгүнкү күндө дайындалган экспертизалардын 50 пайызынын жыйынтыгы чыкты, калганын күтүп жатабыз. Чогултулган материал жана экспертизалардын натыйжасында айрым адамдарга кылмышка шектүү экендиги тууралуу сыртынан билдирүү жөнөтүлдү. Бирок алардын аты-жөнүн айта албайм", — деди Дүйшөналиев.
Ал азыркы тапта тергөө иштери уланып жатканын айтып, бул иштер бүткөн соң юридикалык баа берилерин кошумчалады.
Жаңылыктар түрмөгү
0
Алгач жаңыларыАлгач эскилери
loader