БИШКЕК, 15-июн. — Sputnik. Ош облусунун Өзгөн районунда Hyundai Porter чакан жүк ташуучу автоунаа менен Mitsubishi үлгүсүндөгү жол тандабас кагышып, бир киши каза болгонун ӨКМ билдирди.
Маалыматка ылайык, Hyundai Porter автоунаасынын айдоочусу жеңил жаракат алса, анын жанындагы эки киши автоунаага кыпчылып калган. Буту сынган жүргүнчүлөрдү куткаруучулар унаадан чыгарып, алар ооруканага жеткирилген.
Ал эми жол тандабастын 27 жаштагы айдоочусу окуя болгон жерде каза болгон.
