БИШКЕК, 5-июн. — Sputnik. Google компаниясынын өз алдынча үйрөнө алган нейрон тармактары өзүнүн алгачкы мелодиясын жазганын РИА Новости Tech Times басылмасына шилтеме берүү менен билдирди.
Google компаниясынын илим-изилдөөчү Magenta долбоору машина өз алдынча сүрөт тартып, музыка жаза алабы деген суроолорго жооп издеген.
Компьютердик алгоритм менен жазылган 90 секунддук мелодия төрт гана нотадан турат жана ал кичинекей бала музыка черткенде чыга турчу үндү элестетет.
Бирок окумуштуулар долбоордун иштеп баштаганына бир ай гана болгонун, андыктан алгачкы гана кадамдар жасалып жатканын айтышат.
