БИШКЕК, 12-фев. — Sputnik. Бүгүн Кыргызстан боюнча абанын температурасы төмөндөй турганын Кыргызгидромет билдирди.
Маалыматка ылайык, Ош, Жалал-Абад, Чүй облустарынын өрөндөөрүндө, Баткен облусунун дыйканчылык аймактарында, Ысык-Көл ойдуңунда 2…7 градус суук болот. Талас өрөөнүндө жана тоо этектеринде 5…10 градуска чейин суук болсо, Нарын облусунун дыйканчылык аймактарында жана тоолуу райондордо 11…16 градуска чейин суук болушу күтүлөт.
Бишкек жана Ош шаарларында жаан-чачын күтүлбөйт. Жолдор тоңголок, тайгак болот. Түндүк-батыштан соккон шамалдын ылдамдыгы секундасына 2-7 метрге чейин жетет. Абанын температурасы 1…3 градус суук болушу күтүлөт.
Мындай аба ырайы автожолдордун абалын начарлатып, автоунаа, энергетика жана коммуналдык кызматтардын ишин жана жайыттарда малды кармоону кыйындатат.