Facebook, Microsoft, Twitter, YouTube террорчулукка каршы чогуу күрөшмөкчү

© AFP / THOMAS COEXИнтернет кабельдери
Интернет кабельдери - Sputnik Кыргызстан
Жазылуу
Компаниялар "террорчулардын радикалдуу жана үрөй учурган" видеолору боюнча маалыматтарды алмашып турууну чечти.

БИШКЕК, 6-дек. — Sputnik. Төрт ири компания — Facebook, Microsoft, Twitter жана YouTube кечээ Интернеттеги "террорчулук боюнча материалдарга" күрөшүү демилгесин көтөрдү.

"Биздин тармакка террорчулукту жайылтуу максатында киргизилген контенттерге жол бербейбиз. Мындай өңүттөгү маалымат келип түшкөндө ар бир компания өзүнүн саясатына таянып каршы чараларды көрөбүз", — деп айтылат төрт компания тараткан билдирүүдө. 

Колония для пожизненно осужденных в Киргизии - Sputnik Кыргызстан
Издейм сени! Террорчулардын бутасына алынган кыргызстандыктардын 7 түрү
Алар бүгүнтөн тарта террорчулардын элди өзүнүн катарына чакыруу үчүн жайгаштырган видеолорун идентификация кылган уникалдуу ыкмалар менен бөлүшө башташат. Бул террорчуларга байланыштуу жазууларды аныктап чыгуу мүмкүнчүлүгүнө ээ. Компаниялар "террорчулардын радикалдуу жана үрөй учурган" видеолору боюнча маалыматтарды алмашып турат. Бул интернеттеги маалыматтарды тазалоого мүмкүнчүлүк түзөт. Бирок компания кардарлары боюнча маалыматтарды бири-бирине бербейт. 

Төрт компаниянын бул демилгеси аларды өз каалоосу менен болбосо да, террордук контентти таратууга катышып жатат деген күнөөгө берилген биринчи жообу. Мындан сырткары, компаниялар бул кадамы менен бир катар, анын ичинде Америка бийлигинин басымына каршы туруу ниетинде. АКШ конгресси интернет аркылуу террорчулукка тартууга аракеттер болуп жатканы үчүн социалдык тармактарда жарыяланган материалдардын мазмунуна катуу көзөмөл салуу сунушун айткан. 

Анткен менен социалдык тармак аркылуу радикалдык топторго, ал тургай согуш жүрүп жаткан Сириядан туруп алып кыргызстандыктарды ага кошулууга үндөгөн фактылар биздин өлкөдө да кездешкен.

Жаңылыктар түрмөгү
0