Forbes дүйнөдөгү көп акча тапкан ырчыларды аныктады

© AP Photo / Matt Sayles/InvisionПевица Тейлор Свифт
Певица Тейлор Свифт - Sputnik Кыргызстан
Жазылуу
Өнөрпоздордун эң кыйыны жыл башынан бери 170 миллион доллар тапкан.

БИШКЕК, 3-ноя. — Sputnik. 2016-жылдын жыйынтыгы боюнча дүйнөдөгү эң көп акча тапкан ырчы болуп Тейлор Свифт аталды. Бул тууралуу Американын Forbes журналына шилтеме кылып РИА Новости билдирди.

Ысык-көлдөгү пляж. Архив - Sputnik Кыргызстан
Бостери россиялык Forbes журналынын мыкты курорттордун тизмесинде 2-орунду ээледи
Маалыматка ылайык, Тейлор Свифт жыл башынан бери 170 миллион доллар иштеп тапкан.

Басылма белгилегендей, белгилүү ырчы негизги кирешесине "1989" аттуу концерттик турдан ээ болгон. Андан сырткары ал бут кийими, диеталык газдалган суу жана Apple продукциясынын жарнамаларына тартылып келет. 

Абройлуу делген рейтингдин экинчи сабына 80,5 миллион доллар акча тапкан британиялык ырчы Адель илинсе, үчүнчү катарга Мадонна чыкты. Анын жыл башынан берки кирешеси 76,5 миллион долларды түзгөн. 

Мындан сырткары, Forbes рейтингинин ондугуна Рианна (75 миллион доллар), Бейонсе (54 миллион доллар), Кэти Перри (41 миллион доллар), Дженнифер Лопес (39,5 миллион доллар), Бритни Спирс (30,5 миллион доллар), Шанайя Твейн (27,5 миллион доллар) жана Селин Дион (27 миллион доллар) кирди.

Жаңылыктар түрмөгү
0