БИШКЕК, 1-ноя.— Sputnik. АКШнын Висконсин штатында кара түстөгү адамды аткан афроамерикалык полиция кызматкери сексуалдык кылмышка шектүү деген айып менен кызматтан бошотулду. Бул тууралуу Chicago Tribune басылмасы жазат деп билдирди РИА Новости.
Полициянын мурдагы кызматкери 24 жаштагы Доминик Хигган-Браун 23 жаштагы Силвилл Смитти августтун аягында тапанча менен атып, окуя видеокамерага тартылып калган. Шаар мэринин айтымында, Смит тапанчасы менен полиция кызматкерлерин коркутуп, эскертүүнү тоотпой куралын таштабай койгон.
"Иликтөө иштеринде Хигган-Браун Милуокидеги полиция кызматкерлеринин эрежесин бузганы аныкталды", — деп айтылат шаардык полиция кызматынын билдирүүсүндө.
Бул окуя укук коргоо органдары менен шаар тургундарынын ортосунда кагылышууга да алып келген.
