Рамзан Кадыров Емельяненконун таламын талашып чыкты

© Sputnik / Саид Царнаев / Медиабанкка өтүүЧечен президенти Рамзан Кадыровдун архивдик сүрөтү
Чечен президенти Рамзан Кадыровдун архивдик сүрөтү - Sputnik Кыргызстан
Жазылуу
Чеченстандын президенти Кадыров спортчу Федор Емельяненко өз катасын сезерине ишеним артып, сабырдуу болууга үндөдү.

БИШКЕК, 8-окт. — Sputnik. Чечен президенти Рамзан Кадыров Россиянын ММА союзунун жетекчиси Федор Емельяненконун кадырына шек келтирбөөгө чакырды. Бул тууралуу РИА Новости жазып чыкты.

"Ардактуу достор! Мен сиздерден Федор Емельяненконун кадыр-баркына шек келтире турган сөздөрдү жазуудан алыс болууга чакырам. Бул өзгөчө биздин тарапташ катары спортчунун дарегине сын айткандарга тиешелүү. Эгер чындап эле биздин тарапта болсоңуздар, мындай кылбагыла. Жазылгандар болсо, өчүрүп салгыла", — деп жазган Кадыров Instagram баракчасына. 

Өлкө башчысы Кадыров спортчу Емельяненко өз катасын сезгенине ишеним артып, буга өз баракчасындагы баланын сүрөтүн алып салганын далил келтирет. 

ММА кеңешинин президенти Федор Емельяненконун архивдик сүрөтү - Sputnik Кыргызстан
Рамзан Кадыровдун тестиер балдары ММА турнирине чыгып, сынга кабылды
Эскерте кетсек, шейшемби күнү Грозный шаарында өткөн ММА оюндарынын турниринде Кадыровдун 10 жаштагы Ахмат аттуу баласы атаандашын 14 секундада нокаут менен жеңген.

Анын Эли (9 жаш) жана Адам (8 жаш) аттуу эки досу 27 жана 35 килограммдык салмактагы көрсөтмө оюндарда атаандаштарынан үстөмдүк кылган. Бул оюндардан кийин Емельяненко 12 жашка чейинки өспүрүмдөрдү ММА оюндарына катыштырууга таптакыр болбогондугун айтып, сын-пикирин билдирген. Ал эми Мамлекеттик Думанын депутаты Адам Делимханов Емельяненкону коркок деп атаган.

ММА (эрежесиз эр уруш) — аралаш мушташ боюнча эл аралык турнирлер дүйнөнүн көп өлкөлөрүндө өткөрүлүп келет.

Жаңылыктар түрмөгү
0