Германиялык үй-бүлө Польшада чоң атасы калтырып кеткен кенчти таап алды

© flickr.com / Hans SplinterМонеталар. Архивдик сүрөт
Монеталар. Архивдик сүрөт - Sputnik Кыргызстан
Жазылуу
Бейтааныш кишилер келип, алардын аймагын каза баштаганда жергиликтүү эл дүрбөлөңгө түшүп, полицияга жана өрт кызматына кабарлаган.

БИШКЕК, 7-окт. — Sputnik. Германиялык үй-бүлө алардын чоң атасы калтырып кеткен 1952-жылдагы картанын изи менен жүрүп отуруп, анын кенчин Польшадан таап алды. Бул туурасында РИА Новости Onet интернет-порталына таянып кабарлады. 

"Ишемби күнү мага германиялык эки жаран келди. Алардын колунда 1952-жылы түшүрүлгөн карта бар экен",— деп айтып берген Любомеж шаарынын мэри Веслав Жулковский.

Барселона шаары. Архив - Sputnik Кыргызстан
Испанияда кенч издеп жерге кирип кетти деген кишинин сөөгү табылды
Алар Гамбург шаарынан келгендигин, качандыр бир кезде Любомеж калаасына чоң атасы кенч көөмп кеткенин айтышкан. 

Маалыматтарда бейтааныш кишилер келип, алардын аймагын каза баштаганда жергиликтүү эл дүрбөлөңгө түшүп, полицияга жана өрт кызматына кабарлаганы айтылат. Аталган кызматтар аларга жерди казууга акысы жоктугун жана кенч тапкан күндө да алар жергиликтүү казынага түшөрүн маалымдаган. Эки жигиттин үй-бүлөлүк байлыкты издеп жатабыз деп түшүндүргөнү суу кечпей, тиешелүү ведомствонун келишин күтүүгө туура келген.

"Карагайдын алдынан жерге көмүлгөн эки банка табылган. Анын ичинде сааттар, шуру-мончоктор, XIX кылымдагы тыйындар, чынжырчалар, сөйкөлөр, шакек жана андан сырткары 1935-жылдагы портсигара табылды", — деп айтып берген мэр Жулковский.

Анын маалыматында табылган буюмдар жергиликтүү муниципалдык уюмга жиберилген. Аларды тазалап, каттап жана наркын аныкташат. Эгерде алар тарыхый баалуу буюмдардын катарына кирсе, немистерге бербестен, жергиликтүү музейге өткөрүлөт.

Жаңылыктар түрмөгү
0