Сириялык качкын Европада көп суммадагы акча таап алып, ээсине кайтарып берди

© Sputnik / Владимир Трефилов / Медиабанкка өтүүЕвро купюралары, архивдик сүрөт
Евро купюралары, архивдик сүрөт - Sputnik Кыргызстан
Жазылуу
Муханад Мусанын кадамын Германия эли таңгалуу менен кабыл алып, бул туурасында жергиликтүү басылмалар жазып чыкты.

БИШКЕК, 6-окт. — Sputnik. Германиянын Минден шаарында жашап жаткан 25 жаштагы сириялык качкын Муханад Муса эски кутучанын ичинен 150 миң евро таап алып, акчаны укук коргоо органдарына алып барып берген. Бул тууралу Sputnik Германиядагы кабарчылары маалымдайт.

Муханад Мусанын эрдигин Германия эли таңгалуу менен кабыл алып, бул туурасында жергиликтүү басылмалар жазып чыкты. Мындан тышкары, сыйлык ыйгаруу убадаланган.

"Менин биринчи оюм Сириядагы үй-бүлөм жөнүндө болду. Бул акча каражаты аларды Германияга алып келгенге толук жетет эле, себеби Сирияда согуш жүрүп жатат, менин эки бир тууганымды аскерге жөнөө алдында турат, ал жактан эки гана жол бар — өлөт же өлтүрөт", — деп айтып берген Германиядагы Sputnik басылмасынын кабарчысына.

Мусага акчанын ээси 1600 евро сыйлык катары убада кылган, бирок бул акчаны Германиянын жумушка орноштуруу кызматы алып калары белгилүү болгон.

"Мен качкын болгондуктан мыйзамга ылайык ал акчага ээ боло албайт экенмин. Алардан айдоо күбөлүгүн алганга мүмкүнбү деп сурасам, жок деп жооп беришти", — деди ал. 

Муса өз сөзүндө ага эч кандай акчанын кереги жок экенин, болгону үй-бүлөсүн гана Германияга алып келип алса боло турганын жашырган жок.

Жаңылыктар түрмөгү
0