Испаниядагы терактынын уюштуруучусу 3498 жылга кесилиши мүмкүн

© Sputnik / Виталий Белоусов / Медиабанкка өтүүКол кишенчен адамдын архивдик сүрөтү
Кол кишенчен адамдын архивдик сүрөтү - Sputnik Кыргызстан
Жазылуу
Микель Каррера 2010-жылы май айында Франциядан кармалып, Жарандык гвардиянын эки кызматкерин жана француз полициясын өлтүргөнү үчүн өмүр бою абакка кесилген.

БИШКЕК, 19-сен. — Sputnik. 2009-жылы Испанияда теракты уюштурган ЭТА сепаратисттик тобунун мүчөсү Микель Кабикойц Каррера Саробе (Mikel Kabikoitz Carrera Sarobe) 3498 жылга кесилиши мүмкүндүгүн РИА Новости агенттиги ABC гезитине шилтеме берүү менен билдирди.

Террористический акт в Нью-Йорке 11 сентября 2001 года. Кадры из архива - Sputnik Кыргызстан
2001-жылдын 11-сентябрында Нью-Йорктогу террордук кол салуу. Архивдик кадр
Эске салсак, 2009-жылы 700 килограмм жардыргыч салынган жүк ташуучу унаа Бургос шаарындагы Жарандык гвардиянын казармасынын жанынан жарылган. Анын кесепетинен 263 аскер жашаган имараттын сырты толугу менен күбүлүп түшкөн. Бактыга жараша, жарылуу болгон учурда аскерлердин көбү үй-бүлөсү менен жайкы эмгек өргүүсүндө болгон. Ошентсе да 150 киши түрдүү жаракаттарды алган. Арасында 41 бала болгон. Теракт болгон учурда Ата деген лакап ат менен белгилүү Микель Каррера ЭТАнын аскер канатын жетектеп турган. Испаниянын прокуратурасынын билдиришинче теракт уюштурууга дал ушул Ата Францияда жүрүп, буйрук берген.

Сот дүйшөмбү күнү башталат. Прокуратура Каррераны 145 кишини өлтүрүүгө аракет кылганы үчүн 24 жылга жана келтирген чыгым үчүн дагы 18 жыл берүүнү суранууда.

2013-жылы сот "Отасуа командасы" деп өзүн атап алган топтун мүчөлөрү — Даниэль Пасторго, Иньиго Сапирайнга жана Беатрис Этчеберриага карата өкүм чыгарган. Алардын ар бири 3860 жылга кесилген. Жалпысынан үчөөнүн жаза өтөө мөөнөтүү 11 520 жылга барабар болгон.

Микель Каррера 2010-жылы май айында Франциядан кармалып, Жарандык гвардиянын эки кызматкерин жана француз полициясын өлтүргөнү үчүн өмүр бою абакка кесилген.

Жаңылыктар түрмөгү
0