Окумуштуулар: никотинге болгон көз карандылык психологияга байланыштуу

Жазылуу
Медиктер тамекинин таасири, никотинге болгон көз карандылык жөнүндө изилдөө жүргүзүшкөн.

БИШКЕК, 15-сен. — Sputnik. Никотинге болгон көз карандылык жана анын таасири толугу менен психологиялык жактан шартталганы аныкталган. Бул тууралуу РИА Новости Frontiers in Psychiatry журналына шилтеме кылып жазып чыкты.

"Биз адамдардын тамеки чегип жатканда мээнин активдүүлүгүнө байкоо жүргүздүк. Эксперименттин жыйынтыгы көргөзгөндөй, адам чыныгы баңгизатын колдонуп же дары-дармек ичип жаткандыгына ишенгенде гана ал адам организмине таасири тиет", — дейт Далластагы (АКШ) Техас университетинен Сяосы Гу (Xiaosi Gu).

Гу жана анын кесиптештери тамекини бир нече күнгө таштоого макулдугун берген тамеки ышкыбоздору катышкан тажрыйбадан алынган тыянак аркылуу никотинге болгон көз карандылык психологиялык себептерге байланыштуу экендигин аныкташкан.

Тажрыйба учурунда катышуучуга тамекиде никотиндин бар же жок экенин айтылган. Чынында изилдөөчүлөр туура эмес маалымат беришкен. Алар бар деп берген тамекиде никотин жок болчу.

Кальян. Архив - Sputnik Кыргызстан
Ресторан менен кафелерде кальян жана тамекиге тыюу салууга кандай карайсыз
Жыйынтыгында жасалма тамеки чегип жаткандыгына ишенген ыктыярчылар чыныгы тамекини, ал эми чыныгы тамеки экенине ишенгендер плацебону (зыяны жок, ошондой эле эч кандай дарылык касиети жок зат) чегишкен.

Изилдөөчүлөр никотин тажрыйбанын бардык катышуучуларына таасир этет деп күтүшкөн. Бирок тажрыйба такыр алар күтпөгөндөй жыйынтык берген. Эгер адам тамекиде зыяндуу заттын бар экенине ишенбесе, ал организмге эч кандай таасир бере албайт деген тыянакка келишкен.

Гу жана анын кесиптештеринин пикиринде мындай жыйынтыктын негизинде никотинге болгон көз карандылыктын себеби физиологиялык эмес, психологиялык себептерге байланыштуу экени аныкталган. Мындай жыйынтыкты баңгизатка болгон көз карандылыкты дарылоого колдонсо болорун айтышкан.

Жаңылыктар түрмөгү
0