Окумуштуулар "ак кол, ак чүч" аялдар кайсы мамлекетте көп экенин аныкташты

Жазылуу
Аялдар орто эсеп менен эркектерге караганда убактысынын 1-2 саатын үй жыйноого сарптайт. Айрым өлкөлөрдө бул көрсөткүч эки эсеге көп.

БИШКЕК, 6-сен. — Sputnik. Скандинавия менен Канаданын айымдары акыркы 50 жылдын ичинде үй иштерин аз жасап калганы белгилүү болду. Ал эми италия менен испаниялык аялдар үйлөрүн тынбай жыйнагандардын катарына кирет. Бул тууралуу РИА Новости Demographic Research журналына шилтеме берүү менен жазып чыкты.

"Жалпысынан үй жумуштары акырындык менен эркек менен аялга тең бөлүнүп баштаганын байкаса болот. Бирок биздин изилдөөлөр мындай процесс айрым өлкөлөрдө жакшы ишке ашпай калгандыгын көрсөттү", — деп билдирди Оксфорд университетинин окумуштуусу Ориэль Салливэн. 

Дүйнөдөгү эң узун адам Султан Кёсен жана бою эң кыска Чандра Бахадур Данги. Архив - Sputnik Кыргызстан
Окумуштуулар: бою узундар кодолорго караганда алыс аралыкты жакшы эсептешет
Иликтөө үй жумуштарын жасоодо эркек менен аялдын ортосундагы теңсиздик дале бар экенин көрсөткөн. Аялдар орто эсеп менен эркектерге караганда убактысынын 1-2 саатын ашыкча үй жыйноого сарптайт. Айрым өлкөлөрдө бул көрсөткүч эки эсеге көп. 

Мындай айырмага карабастан көпчүлүк мамлекеттерде кырдаал кыйла жакшырганы байкалган. Тагыраагы, эркектер менен аялдардын ажырымы 2-3 эсеге азайган. Бирок акыркы жылдары бул процесс басаңдап калганы белгилүү болду. Учурда бул эмнеге байланыштуу экендиги тууралуу суроого окумуштуулар жооп издеп баш катырып жатышат. 

Жаңылыктар түрмөгү
0