ЖМК: Россияда экстремисттер кармалды, алардын ичинде кыргызстандыктар бар

© Sputnik / Вадим Жернов / Медиабанкка өтүүРоссиянын полиция унаасы. Архив
Россиянын полиция унаасы. Архив - Sputnik Кыргызстан
Жазылуу
Кармалгандар "Ислам мамлекети" террордук уюмунун катарына жаңы мүчөлөрдү алып кирүү менен уюмду каржылоо үчүн акча каражатын издеп келишкен.

БИШКЕК, 16-авг. — Sputnik. Екатеринбургда экстремисттик топтун мүчөлөрү кармалды. Алардын катарында Орто Азиянын тургундары бар экендиги тууралуу Россиянын федералдык коопсуздук кызматынын сайтына жарыяланды. 

Маалыматка караганда кармалгандар "Рохнамо ба суи давлати исломи" (тажик тилинен "жол башчы ислам мамлекети" деп которулат) эл аралык интернет-коомчулугунун мүчөсү экени белгилүү болгон. 

Россиянын федералдык коопсуздук кызматы аталган коом террористтик идеологияны жайылтуу менен жаңы согушкерлерди "Ислам мамлекети" террордук уюмуна тартуу менен алектенерин билдирди. 

Куралчан адам. Архив - Sputnik Кыргызстан
Террорист деп аталгандар кыргыз жарандыгынан кол жууйт
Ал эми россиялык чекисттердин маалыматына караганда топтун курамында Орто Азиядан чыккан 100 миңден ашык жаран бар. 

"Тагильский рабочий" басылмасы болсо кармалгандардын арасында Россия, Кыргызстан, Тажикстан жана Өзбекстандын жарандары бар экенин жазып чыкты. 

10-августта атайын кызматтар Екатеринбург менен Тюмень жана Челябинск облустарында тинтүү иш-чараларын жүргүзүшкөн. 

Натыйжада экстремизмге шектелгендердин жайгашкан жеринен компьютер, уюлдук телефон, пропагандалык видео материалдар, экстремисттик адабияттар, банк карталары, курал-жарак менен жардыргычтар табылган. 

Аталган факты боюнча Россиянын федералдык коопсуздук кызматы тарабынан кылмыш иши козголду.

Кыргызстандын Тышкы иштер министрлиги маалымат такталып жатканын белгиледи.

Жаңылыктар түрмөгү
0