Евробиримдиктеги балдар социалдык тармакты ата-энесинин уруксатысыз колдоно албайт

© AFP / DAMIEN MEYERПланшет кармап отурган бадар. Архив
Планшет кармап отурган бадар. Архив - Sputnik Кыргызстан
Жазылуу
Financial Times басылмасы учурда Facebook, Snapchat, Twitter жана Instagram колдонуучулары негизинен жашы жете электер экендигин жазды.

БИШКЕК, 22-апр. — Sputnik. Евробиримдиктин аймагындагы жаңы эрежелерге ылайык, 16 жаштан төмөнкү курактагылар Facebook, Snapchat жана Twitter социалдык тармактарына катталышы үчүн ата-энелеринин макулдугун алышы зарыл. Бул туурасында РИА Новости Financial Times жазган маалыматка таянып кабарлады. 

Басылма учурда Facebook, Snapchat, Twitter жана Instagram колдонуучулары негизинен жашы жете электер экендигин жазды. 

Логотипы популярных социальных сетей. Архивное фото - Sputnik Кыргызстан
Социалдык тармактар адамдарды депрессияга кабылтат
eMarketer аналитикалык компаниясынын изилдөөлөрүндө Улуу Британиядагы 11 жаштан төмөнкү беш баланын бирөөсүнүн Facebook баракчасы бар. Анткен менен бул социалдык тармактын колдонуучулар 13 жаштан өйдө болушу керек деген талабы бар. Британиялык өспүрүмдөрдүн 80 пайызга жакыны 12-17 жаш аралыгында эле Facebook тармагында аккаунтун ачып алышкан экен.

Басылма, ири компаниялар социалдык тармакка баласынын аккантун ачууга макулдук алуу же баш тартуу боюнча ата-энесинен жооп алуу боюнча кызматты иштеп чыгууга милдеттүү болуп калгандыгын жазды. Азырынча, бул боюнча кандайдыр бир техникалык ыкма аныктала элек. 

Улуу Британия жана бир катар өлкөлөр курак боюнча чектөөнү 13 жашка жеткирүүгө ниеттенип жатат. Ал эми Франция жана башка мамлекеттер 16 жашка чыккандар тоскоолдук жаратпоо чечмин кабыл алышты. Учурда Snapchat туулган жылы туурасындагы маалыматты сөзсүз түрдө жазууну талап кылууда. Facebook да буга окшогон системаны колдонуп келет, эгерде 13 жаштан кичине жаш көрсөтүлсө, анда аккаунт ачууга мүмкүндүк берилбейт. 

Жаңылыктар түрмөгү
0