Билл Гейтс менен Лилиан Беттанкур дүйнөдөгү эң бай адамдардан болушту

© REUTERS / Shannon StapletonMicrosoft компаниясынын негиздөөчүсү Билл Гейтс. Архив
Microsoft компаниясынын негиздөөчүсү Билл Гейтс. Архив - Sputnik Кыргызстан
Жазылуу
Бир жыл ичинде эң бай мырзалар менен айымдардын алдыңкы сабы өзгөрдү. Карлос Слим Элунун ордуна бай эркектердин катарына испаниялык Амансио Ортега кирди. Ал эми айымдардын ичинен косметикалык империянын ээси Лилиан Беттанкур биринчи катарга чыкты.

БИШКЕК, 2-мар. — Sputnik. Forbes журналы өзүнүн мааракелик, башкача айтканда миллиардерлердин 30-рейтингин жарыялады.

Ага 1810 адам кирип, ар биринин байлыгы бир миллиарддан кемибейт. Тизмеге 40 жашка чейинки бир катар жаш байлар да кирген.

Рейтингди үч жылдан бери биринчиликти бербей келе жаткан Microsoft компаниясынын негиздөөчүсү Билл Гейтс 75 миллиард доллары менен жетектөөдө. Өткөн жылы анын байлыгы 79,2 миллиард деп эсептелген.

Google компаниясынын логотиби. Архив - Sputnik Кыргызстан
Интернеттеги миллиарддар — Google баасы жана WhatsApp пайдалануучуларынын саны
Zara компаниясынын негиздөөчүсү испаниялык Аманси Ортега 67 миллиард доллар байлыгы менен тизменин төртүнчү сабынан экинчи катарга чыкты. Үчүнчү орунду 60,8 миллиард доллары менен мурункудай эле портфелдик инвестор Уоррен Баффет ээлеп турат. Алдыңкы үчтүктөн былтыр экинчи орунда турган Карлос Слим Элу түшүп калганы белгилүү болду. 

Эң бай айым болуп L'Oréal компаниясынын ээси француз Лилиан Беттанкур аталды. Анын байлыгы 36,1 миллиард доллар экени аныкталган. Wal-Mart Stores компаниясынын мураскери Элис Уолтон 32,3 миллиард доллар байлыгы менен экинчи орунга чыкса, Mars корпорациясынын мураскери Жаклин Марс үчүнчү сапты ээледи. Анын байлыгы 23,4 миллиард доллар экени аныкталган.

Forbes журналыныны былтыркы рейтингинде Уолтон менен Марс үчүнчү жана төртүнчү орунду ээлеп келишкен.

Жаңылыктар түрмөгү
0