БИШКЕК, 17-фев. — Sputnik. Бириккен Улуттар Уюмунун муруңку баш катчысы Бутрос Бутрос-Гали 93 жашында шейшемби күнү Каирдеги ооруканада көз жумду.
Маалыматка ылайык, Бутрос-Гали узак убакытка созулган оорудан кайтыш болду.
БУУнун коопсуздук боюнча кеңешинин жыйынында Венесуэлланын туруктуу өкүлү, коопсуздук кеңештин төрагасы Рафаэл Рамирес экс-баш катчынын өлүмү тууралу айткан.