Стамбулдагы КР жараны: жарылуудан коопсуздук күчөтүлүп, тик учактар асманда айланып жүрөт

© REUTERS / OSMAN ORSALСтамбул шаарындагы полиция кызматкерлери.
Стамбул шаарындагы полиция кызматкерлери. - Sputnik Кыргызстан
Жазылуу
Шейшемби күнү жергиликтүү убакыт боюнча эртең мененки саат 10.20лар чамасында Түркиянын Стамбул шаарындагы Султан Ахмед мечитинин жанында жарылуу болгон.

БИШКЕК, 12-янв. — Sputnik. Стамбул шаарында болгон жарылуудан алдын ала маалыматтар боюнча кыргызстандыктар жок экенин Кыргызстандын Стамбул шаарындагы башкы консулдугунан Sputnik Кыргызстан маалымат агенттигине билдирди.

Белгилей кетсек, бүгүн жергиликтүү убакыт боюнча эртең мененки саат 10.20лар чамасында Түркиянын Стамбул шаарындагы Султанахмет мечитине жакын жерде жарылуу болуп, он киши каза таап, 15и жаракат алгандыгын жергиликтүү ЖМКлар билдирди.

Учурда Стамбул шаарында жашап жаткан КР жараны Тынчтыкбек Турдубековдун айтымында, учурда кырсык болгон жер курчоого алынып, коопсуздук чаралары күчөтүлдү.

"Азыр жарылуу болгон жерге бара турчу трамвайлар токтотулуп, жолдор жабылды. Полиция күчөтүлгөн тартипте иштеп, тикучактар да аймакты күзөтүүдө. Жергиликтүү ЖМКлар бул жардырууну "Ислам мамлекети" террордук тобу кылышы мүмкүн деген маалыматтарды берип жатат", — дейт ал.

КРдин Стамбул шаарындагы башкы консулдугунан маалымдашкандай, учурда жарылуудан кыргызстандыктардын жаракат алып албаганы текшерилүүдө.

Расмий эмес маалыматтар боюнча Стамбул шаарында миңден ашык кыргызстандын жарандары бар.

Жаңылыктар түрмөгү
0