Медведев Су-24кө чабуул жөнүндө: Анкара согуштун башталышына негиз берди

Жазылуу
Азыркы кырдаалда согуш – бул мүмкүн боло тургандардын эң жаманы, ошондуктан Россия Түркиянын россиялык Су-24кө чабуулунан кийин кескин чараларга барган жок деп билдирди РФтин премьер-министри Дмитрий Медведев.

БИШКЕК, 9-дек. — Sputnik. Россиянын премьер-министри Дмитрий Медведев Түркия Су-24кө чабуул коюп, согуштун башталышына түрткү бергени менен РФ бийлиги кескин чараларга барган жок деп билдирди.

"Түркияга келсек, эмне болгонун биз сиздер менен түшүнөбүз да, бул түз маанидеги санкциялар деген сөз эмес. Бул, чынында, биздин мамлекеттин коргонуу реакциясы. Биздин учак жок кылынгандан кийин, ХХ кылымда мамлекеттер мындай жагдайда өзүн кандай алып жүрөт эле? Согуш башталды. Себеби бул чет мамлекетке түз кол салуу", — деди Медведев россиялык телеканалдарга берген маегинде.

Анын айтуусу боюнча, албетте, азыркы жашоодо, азыркы абалда, согуш абалдары — бул мүмкүн болгон нерсенин эң жаманы. 

"Дал ошондуктан түрктөргө курч жооп бербөө чечими кабыл алынган. Ал эми алар, албетте, эл аралык укуктун бардык ченемдерин бузушту, чынында, биздин өлкөгө карата агрессиялык акт жасашты, эл аралык укук тилинде айтылгандай, casus belli, башкача айтканда, аскердик иш-аракеттерди баштоого негиз беришти. Россиялык жетекчилик, өлкөнүн президенти буга барган жок", — деп белгиледи ал.

"Бирок биз аларга мындай аракет үчүн алар жооп бере турганын көрсөтүшүбүз керек болчу", — деп кошумчалады премьер. 

Медведев дал ошондуктан, жарандардын коопсуздугу үчүн ушундай чечимдер кабыл алынгандыгын айтты.

Жаңылыктар түрмөгү
0