АКШ серепчилери: A321 кыйрашынын негизги версиясы – бортко бомба алып кирүү

© Sputnik / Максим Григорьев/ТАСС/POOL / Медиабанкка өтүүМесто крушения российского самолета Airbus A321 в Египте
Место крушения российского самолета Airbus A321 в Египте - Sputnik Кыргызстан
Жазылуу
Американын Stratfor агенттиги "Когалымавиа" компаниясынын Airbus A321 учагы жерден атып кыйратылды деген версияны четке кагат.

БИШКЕК, 3-ноя. — Sputnik. Көпчүлүк эксперттер жана журналисттер "көмүскө ЦРУ" атаган Американынын белгилүү Stratfor серепчилер агенттиги Синайда "Когалымавианын" учагы анын ичине жардыруучу затты алып киришкен үчүн кулап түшүшү мүмкүн деп эсептейт. 

"Башка себептерди келтирүү үчүн негиздер өтө аз экенин эске алганда, учактын ичинде жардыруучу курал болгону жана ал тутанып кеткен дегени чындыкка абдан жакындайт ", — деп айтылган агенттиктин дүйшөмбүдө берген аналитикалык баяндамасында. 

Учакты Синайдагы жихадчылар көчмө зениттик-ракеталык курал менен атып түшүрүшү мүмкүндүгүн таптакыр четке кагат. "Бул аймакта согушкерлер Египеттин тик учагын атып түшүрүп, Израилдин учагына ок чыгара алганына карабастан, 9268-рейс ок-дары учуп жете турган аймактын чегинен сырткары болчу. Анан калса, кара кутудагы үндөрдү чечмелөөнүн биринчи жыйынтыктары боюнча, учакка сырттан, жерден эч кандай объект кол салган эмес", — деп айтылат баяндамада.

"Кырсык электр жабдуунун иштебей калышынан болгон эмес. Андай болгондо, учкучтар учакты жерге аман-эсен кондурганга алы келмек", — деген тыянак чыгарышкан серепчилер.

CNN учактын сыныктарынын арасынан жарылуу коркунучун жарата турган материалдардын калдыгы табылган жок деп билдиргенине карабастан, агенттик учактын ичине жардыруучу зат алынып кирген деген вариантты такыр четке каккандын ордуна, чындыкка эң жакыны катары кароону сунуштайт. 

"Учактын чачырап кеткен калдыктарынан мындай материалдар табылышы толук мүмкүн", — деп айтылат баяндамада.

Россиянын жана советтик авиациянын тарыхындагы эң ири кырсык өткөн ишемби күнү болуп, анда Шарм-эш-Шейхтен Санкт-Петербургга учуп келе жаткан "Когалымавиа" компаниясына караштуу Airbus A321 учагы Синайда кыйроого учураган. Анда 217 жүргүнчү жана экипаждын жети мүчөсү бар болчу. Баары тең курман болду.

Египеттеги авиакырсыктан каза болгондордун сөөгү Санкт-Петербугга алып келинүүдө
Мурдараак кырсыктын мүмкүн болчу себептери жөнүндө айтып жатып, "Когалымавиа" компаниясынын башкы директорунун учууларды уюштуруу иштери боюнча орун басары Александр Смирнов журналисттерге учак техникалык жактан бузук болушу же учкучтар ката кетириши эч мүмкүн эмес деп билдирген. Анын версиясы боюнча, окуянын жалгыз себеби — учак жерден тийгизген таасирдин натыйжасында кулаган.

Lufthansa жана Air France сыяктуу ири авиакомпаниялар кырсыктын себептери аныкталмайынча, Синайдын үстүнөн учууларды токтотуу жөнүндө билдиришкен. 

Бирок Россиянын расмий бийлиги кырсыктын себептери боюнча тыянак чыгаруу эрте экенин айтат. Росавиациянын башчысы Александр Нерадьконун айтымында, авиакомпаниянын жетекчилик өкүлүнүн билдирүүсү "чыныгы фактыларга негизделген эмес". Ошондой эле ал эксперттерден бул тема боюнча спекуляция жүргүзбөөнү суранды.

РФ президентинин маалымат катчысы Дмитрий Песков айтылып жаткан версиялардын бирин да "азырынча расмий деңгээлде талкуулоого мүмкүн эмес" деп билдирди.

Жаңылыктар түрмөгү
0