ЕАЭБ эми Кытай менен жаңы өңүттөгү кызматташуу туурасында сүйлөшүүнү баштайт

© flickr.com / poeloqКытай мамлекетинин желеги. Архив
Кытай мамлекетинин желеги. Архив - Sputnik Кыргызстан
Жазылуу
ЕАЭБ менен Кытайдын ортосундагы экономикалык өз ара кызматташууга негиз боло турган макулдашуулар эки тарапты жакындатмакчы.

БИШКЕК, 18-окт. — Sputnik. ЕАЭБ өлкөлөрүнүн башчылары Евразиялык жогорку экономикалык кеңештин (ЕЖЭК) отурумунда биримдик менен Жибек Жолунун экономикалык тогоосунун ортосундагы кызматташтыкты талкуулады деп билдирди Евразиялык экономикалык комиссиянын маалымат кызматы.

Евразиялык экономикалык комиссияны Армениянын экс-премьер-министри жетектейт
Кытай 2013-жылы Жибек Жолунун экономикалык тогоосун түзүү боюнча демилге менен чыккан, ал глобалдуу долбоор болгон. Долбоор ага катышкан өлкөлөрдү соода-экономикалык жактан кызматташууга жана инфраструктуралык инвестицияларды тартууга басым жасоого чакырат. 

Кеңеште Кытай мамлекети ЕАЭБдин негизги өнөктөшү болуп кала турагандыгы белгиленди. 2014-жылдын жыйынтыгында Кытай менен биримдиктин ортосундагы товар жүгүртүү 110 миллиард долларды түзгөн. 

Кытай тараптын демилгесин жана аталган өлкө менен соода-экономикалык кызматташууну өнүктүрүү милдетин эске алып быйыл майда жогорку экономиалык кеңеш сүйлөшүүлөрдү баштоону чечти. Ал Кытай менен ЕАЭБдин ортосунда соода-экономикалык кызматташуу боюнча макулдашууну түзүү максатын көздөйт. 

"Бул боюнча даярдыктар башталды. Сүйлөшүүлөр расмий түрдө 2016-жылы башталышы мүмкүн", — деп билдиришти маалымат кызматынан. 

ЕАЭБ өлкөлөрүнөн алып келинген унаа каражаттарын каттоо башталды
 Жолугушуунун жыйынтыгында ЕЭКтин үчүнчү тараптагы өлкөлөр менен өз ара мамилелердин тартибин аныктаган бир катар документтерге кол коюлду. Негизинен, Евразиялык жогорку экономикалык кеңештин катышуучулары ЕАЭБдин 2015-2016-жылдардагы эл аралык ишмердүүлүгүн жактырышты. Андан сырткары ЕАЭБдин өнөктөштөрү менен соода-экономикалык жактан болгон орто мөөнөттүү кызматташуусун өнүктүрүү багыттарын колдоду. 

Жыйында эркин экономикалык аймакты түзүү боюнча Израиль менен сүйлөшүүлөрдү жүргүзүү чечими кабыл алынды.

Жаңылыктар түрмөгү
0