ЖМК: Кытайда биринчи ирет генетикалык модификацияланган уй музоолуу болду

© Sputnik / Игорь Зарембо / Медиабанкка өтүүУй музоосу менен. Архив
Уй музоосу менен. Архив - Sputnik Кыргызстан
Жазылуу
Генетикалык жасалма жол менен модификацияланган уйдун дени сак музоо туушу клондолгон жаныбарлардын тукум улантууга жөндөмдүүлүгүн далилдейт деген Пекиндин айыл чарба университетинин башкы илимий кызматкери Ни Хэминянын сөздөрүн ЖМКлар басып чыгышты.

БИШКЕК, 14-сен — Sputnik. Алгачкы клондолгон уйдун Кытайда дени сак музоо тууганы "уйдун "мрамордуу" деп аталган этин өндүрүүчү өлкө үчүн олуттуу кадам болгонун" Синьхуа агенттиги жазган.

Ню-Ню аттуу уй — 2012-жылы генетикалык жасалма жол менен модификациялоого дуушар болгон эки уйдун бири. Жаныбарларга булчуң майларын өстүрүү үчүн атайын ген куюлган. Ал майлар булчуң эттеринин сапаттык көрсөткүчү болуп эсептелет. 

"Музоонун туулганына эки жума болду, учурда анын дени сак", — деген Пекиндин айыл чарба университетинин башкы илимий кызматкери, изилдөөнү жетектеген Ни Хэминянын сөздөрүн келтирет агенттик. Анын айтымында, музоо 28-августта туулган.

Кытайда "мрамордуу" деп аталган уй этин өндүрүүгө керектүү ири мүйүздүү малдын сапаттуу түрлөрү жетишсиздик кылат. Буга байланыштуу кытайлыктар кымбат баалуу чет элдик продукцияны сатып алууга аргасыз деп жазат агенттик. Окумуштуунун айтымында, музоонун туулушу клондолгон жаныбарлардын тукум улантуу жөндөмүн далилдеп илимде чоң ачылыш жасады. Андан тышкары, бул атайын сайылган генди организм жакшы кабыл алганын далилдейт.

Жаңылыктар түрмөгү
0