БИШКЕК, 29-июнь — Sputnik. АКШнын Кыргызстандагы элчилиги үчүн кезектеги дагы бир жашыруун жүк келгенин Sputnik агенттигине "Манас" эл аралык аэропортундагы өздүк маалымат булактар билдирди.
Кезектеги жашыруун жүк ишембиден жекшембиге караган түнү Азербайжандын борбору Баку шаарынан келди.
Тышкы иштер министрлиги жүктүн келишин тастыктады.
Март айында украин авиакомпаниясынын АН-124 "Руслан" унаа учагы "Манас" аэропортуна эки жолу келип конгонун ММК жазып чыккан. Учак Бириккен Араб Эмирлигинен АКШ элчилиги үчүн 152 тонналык "кандайдыр бир жүк" алып келген. Дипломатиялык почта болгондуктан, ал текшерилген эмес.
Эксперттер америкалыктар жаңы элчиликтин имаратын куруу менен бирге Кыргызстанга "демократия" кирпичтерин жана "эркиндиктин" арматураларын ташып келип жаткандыгы тууралуу пикирлерин билдиришкен.
Майлз элчилик милдетти Азербайжан, Белград жана Болгария мамлекеттеринде аркалаган. 2003-жылы Грузияда "роза төңкөрүшү" болгон учурда да Майлз аталган өлкөдө Американын элчиси болуп турганы белгилүү.
