АКШ Украинанын ички иштерине кийлигишти деп РФти кайра айыптады

© Sputnik / Екатерина Чеснокова / Медиабанкка өтүүВашингтон
Вашингтон - Sputnik Кыргызстан
Жазылуу
Вашингтон Украинанын чыгышындагы согуш аракеттерин россиялык офицерлер башкарып жатат деген күнөө коюуда. Ошондой эле россиялык аскерлер жакында эле Украинанын ыктыярчылары Дебальцевого жасаган чабуулдарга да катышкан имиш.

БИШКЕК, 26-фев — Sputnik. Америка Кошмо Штаттары Россияны кайра Украинанын түштүк-чыгышын курал-жарак менен камсыздап жатат деп күнөөлөдү. Бул тууралуу Ак үйдүн өкүлү Жош Эрнестке таянуу менен РИА Новости билдирет.

Ал Россия Украинанын ишине кийлигишүүсүн улантып жатат деп айткан. 

"Украинанын Россия колдоп жаткан сепаратисттери ок атууларды токтотууга милдеттенгенине карабай, макулдашуунун пункттарын улам барган сайын көп бузуп жатканын бир нече жолу байкадык", — деди Эрнест.

Америка курал-жарак жиберсе, Минск макулдашуулары бузулат деп жазат Guardian
Ошондой эле Ак үйдүн өкүлү россиялык аскерлер Дебальцеводогу атышууларга да катыштыгы бар деген ишеничин билдирди. Ал эми Украинадагы аскердик кагылышуулар россиялык офицерлердин командалыгы менен жүрүп жатат имиш. 

Өлкөнүн жогорку жеткечилиги "Украинанын Россия колдоп жаткан сепаратисттери макулдашуунун пункттарын бузууларды улантып жатышына тынчсызданат" дейт Эрнест. Өз кезегинде Кремль Украинанын ички чыр-чатагына катыштыгы бар экенин четке кагат. 

Дээрлик бир жыл мурун Украинанын бийлиги мамлекеттик төңкөрүшкө нааразы болгон жарандарга каршы аскер аракеттерин баштаган. БУУнун жаңы маалыматтарына караганда, карапайым тургундардын арасында курман болгондордун саны 5,7 миңге жакын. Украинадагы чыр-чатакты жөнгө салуу маселеси ар түрдүү форматтагы диалогдордо көтөрүлүп жатат. Акыркы диалог байланыштыруучу топтун Минсктеги жолугушуусунда болгон. Ортомчулук кылгандар — Россия менен ЕККУ.

Минсктеги сүйлөшүүлөрдүн жыйынтыктары 

Россия, ГФР, Франция жана Украина өлкөлөрүнүн лидерлери 12-февралда Донбасстагы каатчылыкты жөнгө салуу боюнча Минскте "Нормандия төртилигинин" сүйлөшүүлөрүн кайра баштаган. Узакка созулган сүйлөшүүлөрдөн кийин "Минск макулдашууларын аткаруу боюнча иш-чаралар топтому" деп аталган документ кабыл алынган. Анда 15-февралда түнкү саат 00.00до ок атууларды токтотуу, ошондой эле оор куралдарды бири-биринен алыс алып кетүү жана коопсуз тилкесин түзүү жөнүндө айтылат.

Минск макулдашуулары кандай аткарылууда

Минсктеги акыркы макулдашууларга ылайык кырдаал бир топ жакшырды, бирок Украинанын бардык аймактарында эмес. Мислаы, Дебальцево. АТОнун күчтөрү шаардын алдында курчоодо калган, бирок Киевде бул фактты моюнга алышкан жок. Дебальцевонун аймагында акыркы күндөрү куралдуу кагышуулар жүрүп турду.

Жаңылыктар түрмөгү
0