БИШКЕК, 23-дек — Sputnik. КЭДР Ким Чен Ындын өлтүрүлгөнү жөнүндө тасма үчүн "терроризмдин аңгеги" болгон АКШдан өч ала тургандыгы жөнүндө коркутуп жатат деп билдирет РИА Новости The Guardian гезитине таянуу менен.
Айыптоолор Коргонуу боюнча мамлекеттик комитеттин мамлекеттик Түндүк Корея агенттиги жарыялаган билдирүүсүндө коюлган.
Билдирүүдө Түндүк Корея "катуу чараларды көргөндүгү" айтылат, бирок ал кандай чаралар экендиги такталган эмес.
"Каршы жооп кайтаруунун максаты тасманы чыгарган компания гана болот деген ой чоң ката. Биздин максат бардык кореялыктардын жек көрүүсүнө татыган америкалык империалисттердин чеби болуп эсептелет", — деп айтылат гезиттин билдирүүдөн алып берген үзүндүсүндө.
"Мындай максаттардын" ичинде Ак Үй жана Пентагон аталган.
КЭДРдин пикири боюнча, АКШ жана президент Барак Обаманын администрациясы бул тасманы даярдоого катышкан.
Мурдараак ФТБ "Интервью" тасмасы жарыкка чыгат деп пландалганына байланыштуу Sony Pictures Entertainmentке кибер чабуул уюштургандыгы үчүн КЭДРди расмий айыптаган. Аталган тасмада КЭДРдин лидери Ким Чен Ынга кол салуу тууралуу айтылат. Sony Pictures кинокомпаниясы тасманын 25-декабрга белгиленген бетачарын алып салды. Пхеньян болсо өзүнө коюлган айыптарды мойнуна албайт жана хакерлердин Sony Pictures Entertainmentке жасаган чабуулун АКШ менен бирге териштирүүнү сунуштап жатат.
