10:40 03 Бештин айы 2016
Түз эфир
Девятый российский гуманитарный конвой для Донбасса формируется в Ростовской области

Гуманитардык жардам жүктөлгөн колонна Ростов облусунун ТӨП каттоосунан өтүүдө

© Sputnik / Сергей Пивоваров
Дүйнөдө
Кыскача шилтеме алуу
5 0 0

Азыркы учурда жүктөрдү бажы каттамынан өткөрүү башталды деп билдирет ӨКМдүн калкка маалымдоо башкармалыгынын өкүлү. Ал бажы процедураларынан өткөндөн кийин 80 машине Луганск облусуна, 50 машине Донецк облусуна жөнөтүлө тургандыгын айтты.

БИШКЕК, 12-дек — Sputnik. Россия ӨКМүнүн Донбасска арналган тогузунчу колоннасы Ростов облусунда мамлекеттик чегарада көзөмөлдөн өтүп жатат деп билдирет РИА Новости.

"130дан ашуун машинеден турган колонна экиге бөлүнөт. 80ден ашуун авто-унаа Ростов облусундагы "Донецк" өткөрүү пунктуна, ал эми 50дөн ашууну "Матвеев Курган" өткөрүү жайына келди. Азыркы убакта жүктөрдү бажылык каттоодон өткөрүү башталды", — деди агенттиктин маек берген өкүлү.

Өткөрүү пункттарында украиналык чегарачылар менен бажы кызматкерлери, ошондой эле ЕККУ миссиясынын өкүлдөрү бар.

Анын сөзүнө караганда, бажы процедураларынан өткөндөн кийин 80 машине Луганск облусуна, 50 машине Донецк облусуна жөнөтүлөт. Жалпысынан 1,2 миңден ашык жүк ташылып бара жатат. Алардын 800 тоннадан ашыгы Луганскка, ал эми калган 400 тоннадан көбү Донецкиге жеткирилет.

"Негизинен азык-түлүк, ошондой эле социалдык маанидеги объекттердин ишин камсыз кылуу үчүн жабдуулар менен материалдарды алып баратабыз", — деп билдирди ӨКМ өкүлү.

Анын маалыматы боюнча, машиналар жолго чыгар алдында техникалык тейлөөдөн өткөн. Бардыгы тең оңдуу, андыктана эч кандай күтүүсүздүктөр болбошу керек. Авто-унааларды мурдатан Донбасска жардам ташып барган адистер айдап барууда. Алар да жолго чыгар алдында өзгөчө шарттарды авто-унаа айдоо боюнча нускалоодон өтүшкөн. Бул жолу жүк ордуна жеткирилгенге чейин аба ырайы жакшы болот. Өткөн жолкуда кар катуу жаап, кар күрткүлөрүнүн айынан авто-унаалар жолдо адаттагыдан бир-бир жарым саатка узак жүрүшкөн.

Бул Донбасска көрсөтүлүп жаткан тогузунчу жардам. 11-августтан бери сегиз колонна Донецк менен Луганскка жалпы салмагы 10,7 миң тоннадан ашык гуманитардык жүк жеткиришти.

Киевдин бийлиги Февралдагы төңкөрүшкө нааразы болгон жашоочуларга каршы апрелде Украинанын чыгышында күч колдонуучулук операциясын баштаган. БУУнун акыркы маалыматтарына ылайык, чыр-чатактан курман болгон катардагы тургундардын саны 4,3 миңге жетти, ал эми дээрлик 10 миң адам жарадар болду.

Тема боюнча

ДЭР Борбордук банкы республика боюнча өзүнүн 50 бөлүмүн ачты
Белгилер:
Гуманитардык жардам, БУУ, Ростов облусу, Донецк, Луганск, Украина, Россия, Донбасс

ЭҢ МААНИЛҮҮ