Обама адам өлтүргөн полициянын акталышын прокурор менен талкуулады

© Sputnik / Сергей Гунеев / Медиабанкка өтүүАрхив: Барак Обама
Архив: Барак Обама - Sputnik Кыргызстан
Жазылуу
Нью-Йорктогу сот буга чейин куралсыз кара терилүү эркекти кармоо учурунда муунтуп салган полиция кызматкери Дэниэл Панталеого айып таккан эмес болчу.

БИШКЕК, 4-дек — Sputnik. АКШ Президенти Барак Обама башкы прокурор Эрик Холдер менен Нью-Йорк сотунун сот арачылары афроамерикалыктын өлүмү жөнүндөгү дагы бир резонанстык иш боюнча маектешти, деп билдирет РИА Новости.

Архив: Барак Обама - Sputnik Кыргызстан
Обама "Фергюсонду" эки тарап менен маңдай-тескей отуруп талкуулайт
Буга чейин Фергюсондогу сот арачылары (Миссури штаты) 9-августта аны менен кармаша кеткен кара терилүү өспүрүм Майкл Браунду атып салган полицейский Даррен Уилсонду актап жиберишкен. Фергюсондогу соттун чечиминен кийин башка шаарларда да массалык нааразычылыктар күчөп кеткен. Шаршембиде Нью-Йорктогу сот куралсыз кара терилүү эркекти кармоо учурунда муунтуп салган полицейский Дэниэл Панталеого айып таккан жок. 

"Ал (Обама) башкы прокурор Эрик Холдер менен Эрик Гарнердин өлүмүнүн жагдайларын жана полицейскийге айып такпоо жөнүндөгү чечимди талкуулады ", — деп айтылат Ак үйдүн басма сөз кызматынын билдирүүсүндө. 

Обама адатта "иштер аягына чыкмайынча комментарий бербей тургандыгын", бирок, бул инцидент "биз өткөн жумада, айда, жылда, ондогон жылдарда" талкуулап келаткан көйгөйдү эске салды" деп айтты. 

Июль айында курамында Панталео болгон полицейскийлердин тобу көчөдөн афроамерикалык Эрик Гарнерди мыйзамсыз тамеки сатып жатат деген шек менен токтоткон. Кармоо учурунда Панталео Гарнерди мойнунан бурап, катуу кайрып койгондуктан, афроамерикалык астмасы бар экендигин айта албай калган. Кийинчерээк 43 жаштагы Гарнер ооруканада көз жумган. ЖМК маалыматы боюнча, анын алты баласы бар болчу. Куралсыз афроамерикалыктын полицейский тарабынан өлтүрүлүшү нааразычылыктарды жаратты.

Жаңылыктар түрмөгү
0