18:40 10 Бештин айы 2016
Түз эфир
Полиция Нигерии

Мамдепартамент: Нигериядагы терактты "Боко Харам" уюштурушу ыктымал

© Фото / S Martin
Дүйнөдө
Кыскача шилтеме алуу
12 0 0

АКШ жардырууларды "адам өмүрүн баалабаган жана Нигерияда абалды туруксуздаштырууга бардык күчүн жумшап жаткан топ — "Боко Харам" уюштурду деп шек саноодо.

БИШКЕК, 29-ноя — Sputnik. Америка Кошмо Штаттары жума күнү нигериялык Кано шаарынын борбордук мечитинде болгон теракт менен жакында өлкөнүн түндүк-чыгышында жарандарга кол салууларды "Боко Харам" тобунун согушчандарынын уюштургандыгынан шек саноодо деп билдирет АКШнын Мамлекеттик департаментине таянуу менен РИА Новости.

"Бул теракттар үчүн жоопкерчиликти азырынча эч ким өз мойнуна ала элек болсо да, аларды адам өмүрүн баалабаган жана Нигерияда абалды туруксуздаштырууга болгон күчүн жумшап жаткан топ — "Боко Харам" уюштурду деп айтууга бардык негиздер бар", — делет Мамлекеттик департаменттин билдирүүсүндө.

Ошол эле билдирүүдө АКШ "Канодо борбордук мечитте сыйынып жаткандарга бүгүнкү ырайымсыз кол салууларды чечкиндүү" сынга ала тургандыгы жана "каза болгондордун жакындары менен туугандарына жана жарадар болгондорго терең көңүл айта тургандыгы" белгиленген.

Канодогу катары менен болгон жардыруулардан 120 адам курман болуп, 270 адам ар кандай жаракат алды. Жергиликтүү полициянын өкүлү Эммануэль Ожукву ЖКМдерге билдиргендей, терактты эки террорист уюштуруп, жардыруулардан кийин ал жерден качып кетүүгө жан далбас кылган намазга жыгылгандарды аткылай башташкан. Аймакта иш-аракет жүргүзүүчү террористтик топтордун бири да жоопкерчиликти өзүнө ала электигине карабастан, муну "Боко Харам" радикалдык ислам тобу кылды деп божомолдойт тергөө. Аталган топтун мүүчөлөрү батыштын үглүсүндөгү билим берүүгө каршы турушат жана бүтүндөй өлкөдө шариятты орнотууга далалат кылып келишет. Аталган топ мамлекетте үзгүлтүксүз болуп турчу теракттарга жоопкер. Нигериянын президенти Гудлак Жонатан мындан бир жыл мурун эле "Боко Харам" согушчандарынын теракт жана кол салуу коркунучтарына байланыштуу бир катар штаттарда өзгөчө кырдаал тартибин киргизүү жөнүндө жарыялаган болчу. Өткөн жумада Канодо башкы мечиттин эмири Сануси Ламидо аймактын бардык ишенүүчүлөрүн "Боко Харамга" каршы куралдуу күрөшкө чакырган. Бул чакырык Нигериянын мамлекеттик күчтөрүнүн карапайым элди исламисттердин кол салууларынан коргой ала тургандыгына карата ишенбестикти билдирет.

Белгилер:
Мамдепартамент, АКШ

ЭҢ МААНИЛҮҮ