Марат Исаев мигранттар тууралуу роликке тартылды

Жазылуу
Исаев жана роликтин башка катышуучулары мекенинен алыс жашап иштеп, өз өлкөсүнүн даңазасын арттырган адамдар тууралуу ыр менен айтып беришти.

Москвада метро станциясында темир жолго кулап кеткен аялды өлүмдөн алып калган кыргызстандык Марат Исаев социалдык роликке тартылды.  

Улуттук Гвардия аскерлери. Архив - Sputnik Кыргызстан
Чыныгы эрдик үлгүсү. Алты кыргызстандык мырзанын окуясы
Видеого мекенинен алыс жүргөн кыргызстандыктар тартылган. Алар Ата Журтунан чет жүрүп, Кыргызстандын атагын чыгарган адамдар тууралуу айтып беришкен. Ролик "Тагдырдын буйругу менен алыста жүрөм, бирок менин жүрөгүм сен деп согот, Кыргызстан!" деген жазуу менен аяктайт.

Ролик "Патриот KG" коомдук фонду, кыргыз диаспорасынын өкүлдөрү жана Кыргызстандын Россиядагы ишкерлер ассоциациясы тарабынан тартылган. 

Эскерте кетсек, үстүбүздөгү жылдын 11-февралында кыргызстандык Марат Исаев полиция кызматкери Артем Королюк менен метро станциясында темир жолго кулап кеткен аялды өлүмдөн сактап калышкан. 

Бул эрдик жогору бааланып, Исаевге президент Алмазбек Атамбаев, Москва шаарынын мэри Сергей Собянин ыраазычылык билдирүү менен бирге баалуу белек тапшырса, Россия президенти Владимир Путин 20-февралда медаль менен сыйлады.

Жаңылыктар түрмөгү
0