3 Чын Куран 2016, 16:55
Белгилей кетсек улуу манасчы тууралуу тасмага көптөгөн сценарийлерден режиссёр Эрнест Абдыжапаровдун варианты жактырылган. Тасманы "Саякбай манасчы" фонду каржылап жатат. Анын көп бөлүгү Саякбайдын туулуп өскөн жери Тоң аймагында тартылууда. Дааналап чагылдырыш үчүн манасчы жашаган үйү да көл жээгине салынган. Ал эми башкы ролду белгилүү киноактер Марат Жанталиев аткарууда. Жанталиев тасмада Саякбайдын ички дүйнөсүн, анын акылмандуулугун элге алып чыгууга аракеттерди көрүлүп жатканын айтты.
Манасчынын жубайы Бейшекан апанын ролун аткарып жаткан актриса Тынара Абдразаева каарманынын өзгөчөлүгү тууралуу буларды айтты:
"Бейшекан апанын эң бир өзгөчөлүгү, эч качан Саякбай атага түнөгөн тамак берчү эмес экен, эч качан кечээки кийген көйнөгүн эртеси кийгизчү эмес экен. Анын образын таза, даана көргөзсөм деп аракеттенип жатам", — дейт ал.
Тасманын режиссеру Эрнест Абдыжапаров Саякбай манасчынын кичине кезин белгилүү жаш Манасчы Үмөт, орто жашын Бактыбек Нурмат уулу жана карыган кезин Марат Жанталиев аткарып жатканын билдирди. Ал эми Чыңгыз Айтматовдун образын анын баласы Элдар аткарып жатканын кошумчалады.
