"Курулушчу-депутат кетсин!" — Жогорку Кеңештин алдындагы митинг

Жазылуу
Парламенттин имаратынын алдындагы митингге ондогон адамдар чогулушту. Алар "паралеллдүү долбоорлоо" боюнча мыйзам долбооруна каршы чыгып жатышат.

Насыя алгандар нааразычылык билдирип, АКШ элчилигинин алдына митингге - Sputnik Кыргызстан
Насыя алгандар нааразычылык билдирип, АКШ элчилигинин алдына митингге чыгышты
Шаар тургундары бейшемби күнү Жогорку Кеңештин имаратынын алдында "паралеллдүү долбоорлоо" боюнча мыйзам долбоорго каршы нааразылык акциясына чыгышты. 

Шаршемби күнү депутаттар биринчи окууда аталган мыйзам долбооруна каршы добуш беришкен. Бирок айрым эл өкүлдөрүнөн аны кайрадан добушка коюу сунушу түштү. Бул көрүнүш шаар тургундарынын нааразычылыгын жараткан.

Акцияга бардыгы болуп ондогон киши чыкты. Укук коргоочу Анара Дауталиеванын айтымында, алар аталган мыйзам долбоорго каршы болушууда. 

"Кайра добушка коюуну депутат Конушбаев сунуштады ("Кыргызстан" фракциясынан депутат Тынчтык Конушбаев — ред.) Ал өзүнүн жеке кызыкчылыгын көздөп жатат. Анын курулуш компаниясы бар. Биз бул мыйзамга "жок" деген пикир айтабыз. Конушбаев кетсин!", — деди укук коргоочу Sputnik Кыргызстан агенттигинин кабарчысына маек берип жатып.

Дауталиева буга чейин да аталган мыйзам долбоорун кабыл алууга аракеттер болгонун белгилеп, эртең Мамлекеттик курулуш агенттигинин жетекчилиги менен жолуга турганын кошумчалады.

Жаңылыктар түрмөгү
0