Сузактын 61 жаштагы тургуну зилзала башталганда "коңгуроо каккан" жабдуу жасап чыкты

Жазылуу
Жалал-Абад облусунун Сузак районунда жайгашкан "Винсовхоз" айлынын жашоочусу Калык Оморов жер титирөөнүн алдын алуучу бул механизмди кадимки кол чатырдын жана чач кургаткычтын бузулган калдыктарынан жасаган.

Ойлоп табуучунун айтымында, жер термелип баштаганда жасалган апараттын жебеси (ок) кыймылга келет. Анан үн чыгат. Эгер түн ортосунда жер титиресе чыккан үндөн уктап жаткан адамды ойготуп, сактануу чараларын көрүүгө көмөкчү болот.

"Бул — элди жер титирөөнүн кырсыктарынан сактаганга аракет кылып ойлоп тапкан жабдуум. Мындай техника ар бир үйгө керек. Жер термеле баштаганда, бул прибор да иштеп баштайт. Буга мен кытайлык өндүрүштөн чыккан мобилдик телефондун тетиктерин да колдондум", — дейт Оморов.

Ал ойлоп табуучулукка бала чагынан бери кызыгып келээрин айтып, тамаша иретинде "бул менин оорум" деп кошумчалады.

Жаңылыктар түрмөгү
0