Улуттук коопсуздук боюнча мамлекеттик комитеттин маалымат кызматы билдиргендей, 10-декабрдын түнүндө согушкерлерди жок кылуу боюнча атайын операция өткөн.
Маалыматка ылайык, эл аралык террордук уюмдун өкүлү делген эки жаран кармоо учурунда куралдуу каршылык көрсөткөндүктөн, жок кылынган. Операция учурунда УКМКнын атайын даярдыктагы бөлүмүнүн бир кызматкери жаракат алган. Учурда анын абалы дурус.
Жок кылынган террористтер ошондой эле "Тоха" каймана аты менен белгилүү Жумагуловдун террордук тобу менен тыгыз байланышы болгону аныкталган.
Атайын кызматтан билдиришкендей, жок кылынган согушкерлер Бишкек шаарынын 8-кичи районунан милиция кызматкерин атып өлтүрүүгө тийиштиги бар экенин билдиришти. ИИМ болсо жок кылынгандар милицияны өлтүргөндөр экенин бышыктады.
