Мексиканын байыркы уруусунун тукуму тумарын көрсөтүп, КР кыздары үчүн ырдап берди

Жазылуу
Кол өнөрчүлөрдүн эл аралык фестивалынын Мексикадан келген катышуучусу Рафаэль Килауниме Санделарио Валадеза (Rafael Cilaunime Candelario Valadeza) эки кылым өмүр сүргөн тумар тууралуу айтып, кыргызстандык кыздар үчүн ырдап берди.

Сүрөтчү — "Оймо" фестивалына келген жалгыз мексикалык чебер. Ал  өлкөнүн батыш аймагында жайгашкан Наярит штатында турат.

"Мен ацтек менен инктерден мурда белгилүү болгон сегиз миң жылдык тарыхы бар вирарика деген байыркы уруунун тукумунан болом. Негизи үч уруунун тили окшош болгон. Бул алардын анча чоң эмес айырмачылыгынан кабар берип турат", — дейт Валадеза.

Ал фестивалга колго жасалган кийим, билерик, зер буюмдарын жана башка жасалгаларды алып келгенин, өзү байыркы уруусунун "Veeviga" деп аталган оюлары пайдаланылчу салттуу сүрөт өнөрү менен алектенерин айтып берди.

"Бул сүрөттөр — менин уруумдун оозеки тарыхы. Элим алардын жерин басып алгандар менен касташкан эмес", — дейт сүрөтчү.

Валадеза мойнуна тагып жүргөн эки миң жылдык тарыхы бар тумарын көрсөттү. Буюм муундан муунга өтүп келген.

"Менин үй-бүлөм жок, кыргызстандык кыздар аябай жакты. Үнүм анча эмес болсо да, алар үчүн өз тилимде ырдап берейин", — деди ал.

"Оймо" – Кыргызстанда 2006-жылдан бери өткөрүлүп келе жаткан кол өнөрчүлөрдүн эл аралык фестивалы. Ал салттуу түрдө июлдун аягында Бишкекте жармаңке менен башталып, Ысык-Көлдө уланат.

Жаңылыктар түрмөгү
0