Араң жан бөлтүрүктү ветеринар Бишкекте беш күндөн бери дарылап жатат

Жазылуу
2,5 айлык бөлтүрүк бишкектик мал доктур Полад Сулеймановго шейшемби күнү келип түшкөн. Бул жырткычтын баласын Бишкекке Нарындан алып келишкен.

Сулеймановдун айтымында, бөлтүрүктүн ээси аны күн сайын алып келип, кайта алып кетет.

"Карышкырга нан менен суу бергенге болбойт. Бөлтүрүк кол салышы мүмкүн деп ага эт бергенден ээлери коркуп атышкан экен. Ушундан улам ал араң жан болуп калган. Аны алып келгенде бутуна тура албагандай алсыз болчу. Беш күндүк дарылоодон кийин жылыштар бар", — деди Сулейманов.

Мал доктур бөлтүрүктү толук дарылоо үчүн ээсинен сураган.

"Аны дарылап туруп, Германиянын жаратылыш фондуна берейин дегем. Алардын Караколдо реаблитациялык борбору бар. Карышкырды үйдө кармоого болбойт. Эгер аны азыр эркиндикке чыгарсак, өзү жашап кете албайт", — деди ал.

Бөлтүрүктү жакшы тамактандырыш керектигин мал доктур айтат. Бул жаштагы бөлтүрүккө күнүнө беш жолу эт менен тамак бериш керектигине карабай, ага бир күндө эки жолу ботко, нан жана сүт беришкен. 

Жаңылыктар түрмөгү
0