ДКОнун бүгүнкү программасы: эр эңиш, күрөш жана ат чабыш

Жазылуу
Көчмөндөр оюнунун төртүнчү күнү кыргыз жана түрк күрөшүнүн жеңүүчүлөрү аныкталып, 80 чакырым алыстыкка чуркоочу мыкты күлүктөр белгилүү болот.

БИШКЕК, 6-сен. — Sputnik. II Дүйнөлүк көчмөндөр оюндарынын алкагында (ДКО) шейшемби күнү бир катар спорттук иш-чара өтө турганы ДКОнун сайтында айтылат. 

Салбурунчулар. Архив - Sputnik Кыргызстан
Көчмөндөр оюндарынын экинчи күнү: акындардын айтышы, салбурун, көк бөрү жана күрөш
Саат 10.30дан 11.30га чейин түркиялык аба күрөштүн финалдык беттешүүлөрү өтөт. Ал эми саат 17.30дан 18.30га чейин кыргыз күрөш боюнча мыктылар аныкталат.

Саат 9.00дөн 17.30га чейин 80 чакырымдык ат чабыш болот. Мындан тышкары, тогуз коргол, мангала жана ордо боюнча мелдештер тартууланат.

Көк бөрү боюнча жарым финалдык беттешүү өтүп, жаа атуу, эр эңиш жана тайган жарыш боюнча мелдештер сунушталат. 

Экинчи дүйнөлүк көчмөндөр оюндары 8-сентябрга чейин уланат. Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиаөнөктөшү болуп саналат.

Жаңылыктар түрмөгү
0