Оор атлетика боюнча II Эл аралык турнирге 100дөн ашуун спортчу катышат

© Sputnik / Григорий Сысоев / Медиабанкка өтүүГантельдин темир таштары. Архив
Гантельдин темир таштары. Архив - Sputnik Кыргызстан
Жазылуу
Апта соңунда боло турган таймашка эки казакстандык команданын келиши да күтүлүүдө.

БИШКЕК, 16-дек. — Sputnik. Бишкекте спорт чебери Митал Шариповдун элесине арналган өспүрүмдөр арасындагы оор атлетика боюнча II Эл аралык турнир өтө турганын мэрия билдирди.

Маалыматка ылайык, 19-20-декабрь күндөрү Кожомкул атындагы Спорт ордосунда өтө турган мелдешке 100дөн ашуун спортчулардын катышуусу күтүлүп жатат. Кыргызстандын булуң-бурчунан келген атлеттерден тышкары эки казакстандык команданын келери айтылууда.

Балбандар бири-бирин көтөрүп чабууга аракет кылып жатышты
Турнир оор атлетиканы жайылтуу, чеберчиликти жогорулатуу жана Бишкектин курама командасын түзүү максатында уюштурулууда.

Иш-чаранын башкы демилгеси Мамлекеттик жаштар иши, дене тарбия жана спорт агенттиги болуп саналат. 

Митал Шарипов Кыргызсандын оор атлетика боюнча бир нече жолку чемпиону, Азия чемпиону болгон. Спорттун өнүгүшүнө кошкон салымы үчүн Ардак грамотасы жана "Манас" медалы менен сыйланган. 39 жашында көз жумган.

Жаңылыктар түрмөгү
0