БИШКЕК, 17-янв. — Sputnik. Кыргызстандагы аза күтүү күнүнө карата Россиянын ОРТ каналы КМШ өлкөлөрүнө багытталган эфиринен көңүл ачуучу программаларын алды. Бул тууралуу аталган каналдын расмий сайты кабарлады.
Эске салсак, кечээ күнү Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы "Манас" аэропортуна жакын жердеги Дача айылына кулап түшкөн. Анын кесепетинен 37 киши каза болуп, 13 адам ооруканага жаткырылган.
Президент Алмазбек Атамбаевдин Жарлыгына ылайык, 17-январь аза күтүү күнү деп жарыялаган.
"ОРТ КМШ өлкөлөрү көрө турган программалары өзгөрттү. Ага ылайык, көңүл ачуучу берүүлөр эфирден алынды", — деп жазылат маалыматта.
Белгилей кетсек, өкмөт каза болгондордун үй-бүлөлөрүнө жана жабыркаганларга 70 миң сомдон жардам көрсөтүлөрүн билдирген.