11:51 22 Үчтүн айы 2017
Түз эфир
YuTube сайтынын логотиби. Архив

Facebook жана Youtube КРде жеткиликтүү болот. Кытайдан интернет алуу жолдору

© flickr.com/ Esther Vargas
Коом
Кыскача шилтеме алуу
Кыргызстандагы интернеттин кымбатташы (25)
176 0 0

Мурда "Кыргызтелеком" Кытайдын "Чайна телеком" компаниясы менен Кыргызстанга интернет алып келүү маселеси боюнча сүйлөшүүлөрдү жүргүзгөн.

БИШКЕК, 12-янв.— Sputnik. Кытайдан интернет сатып алууда кыргызстандыктар үчүн эч кандай тоскоолдук жаралбайт. Бул тууралуу Sputnik Кыргызстан агенттигине "Кыргызтелеком" ААК коммерциялык жетекчиси Кылыч Куталиев билдирди.

Мурда аталган ишкана Кытайдын "Чайна телеком" компаниясы менен Кыргызстанга интернет алып келүү маселеси боюнча сүйлөшүүлөрдү жүргүзгөндүгү тууралуу маалымдаган. 

Учурда келишим жана баалар боюнча сүйлөшүүлөр жүрүп жатат. Куталиевдин айтымында, сапаттуу интернет болуш үчүн туруктуу камсыздоочу керек. Эгер бир камсыздоочунун интернети түшүп баратса, экинчисинен ала калгыдай болуш керек.

"Бизге Казакстандан интернет алуу ыңгайлуураак. Кыргызстандын азыр казактардан жана кытайлардан интернет алууга мүмкүнчүлүгү бар. Өзбекстан менен Тажикстан азырынча ылайыктуу эмес, алар деле интернетти Казакстандан алат. Тажикстан Кыргызстан, анан Өзбекстан аркылуу алат", — деди Куталиев.

Кытай менен келишимге кол коюлгандан кийин Facebook баракчасына жана Youtube каналдарына чектөө коюлбай турганын "Кыргызтелеком" сөз берүүдө. 

"Биз Кытай жана Казакстан аркылуу Россиянын интернетин сатып алабыз, башкача айтканда интернет орустардыкы болуп кала берет", — деди ал. 

Август айынын башында Казакстан Кыргызстанга интернетти 3-4 эсеге кымбаттатып жиберген.

Мындан улам атайын өкүлдөр Казакстандагы кесиптештерине бааны көтөрүү маселеси боюнча бир катар сүйлөшүүлөрдү жүргүзүп, ноябрь айынын башында КРдин Байланыш операторлор ассоциациясынын жетекчиси Нурбек Абасканов казакстандык операторлор Кыргызстандын интернет провайдерлери менен секундасына бир мегабит интернет үчүн 15 долларлык тариф белгиленген келишимге кол койгондугу тууралуу билдирген.

Интернет чырынан улам "Кыргызстелеком" ишканасынын жетекчиси Эмил Ешеналиев кызматтан кетип, ордуна Бекзат Үсөнканов келген. 

Башкы прокуратура ишкана мамлекеттик сатып алууну сынак же бааларга мониторинг чыгарбай өткөргөндүгүн эске алып, кылмыш ишин козгогон. Жыйынтыгында эки компания тең 275 миң доллардан төлөшкөн. Буга чейин "Кыргызтелеком" Казакстан менен келишим түзгөн себебин абоненттерди интернетсиз калтырбоо максатын көздөгөнү менен түшүндүрүп беришкен. 

Кыргызстан Интернетти кайдан жана кантип алат, кененирээк маалыматты Sputnik Кыргызстан агенттигинин инфографикасынан көрө аласыздар>>

Тема:
Кыргызстандагы интернеттин кымбатташы (25)

Тема боюнча

КР интернетти Казакстандан башка дагы 3 мамлекеттен алуу жолдорун карап жатат
Жээнбеков "Кыргызтелеком" башчысын кызматтан кетирүүнү буюрду
Белгилер:
келишим, интернет, Кыргызстан, Кытай

ЭҢ МААНИЛҮҮ