16:25 23 Үчтүн айы 2017
Түз эфир
Жаңы жылдык майрамдагы Аяз ата. Архив

Москва: кыргызстандык жаран балаты майрамындагы башаламандыкты жөнгө салды

© Sputnik / Павел Лисицын
Коом
Кыскача шилтеме алуу
92110

Белгисиз жаран балдар үчүн алынган бир коробка таттууларды көшөгө артынан көтөрүп чыгып залда отургандарга тарката баштаган.

БИШКЕК, 3-янв. — Sputnik. Москвадагы мигранттардын балдары үчүн уюштурулган жаңы жылдык майрам аз жерден ызы-чууга айланып кете жаздаганын ыктыярчы Валентина Чупик билдирди. 

Анын айтмына караганда, белгисиз жаран балдар үчүн алынган бир коробка таттууларды көшөгө артынан көтөрүп чыгып залда отургандарга тарката баштаган.

"Ал таттууларды кыргызстандыктарга гана таркатып жатты", — деп Чупик өзүнүн социалдык тармактагы баракчасына жазып чыкты. 

Мындай кадамга барган бейтааныш жаран ашыкча белек алган ата-энелерге тез арада үйлөрүнө кетүүнү буйруган. Буга байланыштуу Тажикстан, Молдова жана Өзбекстандын балдары белексиз калышкан. 

"Бул адамдын жоругу бүтүндөй кыргыз элин жаманатты кыла албай турганын белгилегим келет. Анын мындай кадамы өзүнө гана тиешелүү. Кыргыз эли башка дүйнө элиндей эле боорукер, тарбиялуу, ак ниет келет", — деп Валентина Чупик жазып чыкты. 

Ушундай окуя болгону тууралуу социалдык тармактан окуп калган Эльмар Султанов аттуу кыргызстандык жаран көйгөйдү чечүү максатында белек жетпей калган 48 балага таттуу алуу үчүн ыктыярчылардын эсебине акча которгон. 

"Балдар белексиз калганы мени абдан капалантты. Мыдай жорукту башка улуттун өкүлү жасаган күндө дагы мен жардамымды аямак эмесмин. Балдардын улуту жок. Алар балдар", — деп Sputnik агенттигине Султанов билдирди. 

Мындан тышкары, жардам берүү сунушу менен Россия, Белоруссия, Өзбекстан жана Тажикстандын жарандары кайрылган. 

Тема боюнча

Кочкордун окуучулары Бишкекке келип майрамдап кетишти
Ош шаарынын мэри аз камсыз 160 балага белек берди
Белгилер:
таттуу, майрам, Жаңы жыл

ЭҢ МААНИЛҮҮ