БИШКЕК, 20-дек. – Sputnik. Премьер-министр Сооронбай Жээнбеков жумушчу сапары менен Ысык-Көл облусун кыдырат. Бул тууралуу өкмөттүн маалымат кызматы билдирди.
Ага ылайык, Жээнбеков бүгүн, 20-декабрь күнү Ысык-Көлгө аттанат.
"Өкмөт башчы Кара-Шара айылындагы спорт залдын ачылышына катышып, Кара-Коо айылындагы мектептин курулушу менен таанышат. Мындан сырткары, Ак-Өлөңдөгү балык чарбасынын ишмердүүлүгүнөн кабар алат", — деп жазылат маалыматта.
Жээнбеков иш сапарынын алкагында Жон-Булак айылындагы мектептин ачылышына катышып, Кызыл-Суудагы мектептин курулушун текшерет. Өкмөт башчы кошумча айыл чарба кооперативдеринин иши менен таанышат.