БИШКЕК, 10-дек. — Sputnik. Түркиянын Анкара шаарында Чыңгыз Айтматовдун 88 жылдыгына карата эскерүү иш-чарасы өткөрүлөт. Бул тууралуу Sputnik Кыргызстан агенттигине уюштуруучулар билдирди.
Маалыматка караганда, иш-чара үстүбүздөгү жылдын 12-декабрында саат 17:00дө башталат.
"Эскерүү кечеси "Kyrgyz Youth" жаштар клубунун демилгеси менен уюштурулууда. Анда Тектеш улуттар башкармалыгы менен Түркия жазуучулар союзунун өкүлдөрү жана чет өлкөдө жашап калган түрктөр катышат", — деп уюштуруучулар билдиришти.
Ал эми Кыргызстан тараптан "ТҮРКСОЙ" эл аралык уюмунун КРдеги өкүлү Кожокелди Култегин, КРдин Түркиядагы толук ыйгарымдуу элчиси Ибрагим Жунусов жана окуу жайлардагы кыргыз студенттер катышат.