Мэрия: башкы балатыны жандыруу маалында "убакыт токтошу" мүмкүн

© Sputnik / Табылды КадырбековУстановка главной елки страны на площади Ала-Тоо
Установка главной елки страны на площади Ала-Тоо - Sputnik Кыргызстан
Жазылуу
Ала-Тоо аянтындагы балатыны кооздоо 10-декабрда башталат. Бул жылы негизги балатыны жарык менен кооздоого өзгөчө көңүл бурулат.

БИШКЕК, 5-дек. — Sputnik. Бишкектеги жаңы жылдык башкы балатынын отун жандыруу маалында миңдеген адамдар катышкан Mannequin Challenge флешмобу болушу мүмкүн. Бул тууралуу мэриянын маалымат кызматынын жетекчиси Гуля Алмамбетова билдирди. 

Анын айтымында, Ала-Тоо аянтындагы балатыны кооздоо 10-декабрда башталат. 

"Бул жылы биз балатыны жарык менен кооздоого өзгөчө көңүл бурабыз. Былтыркы жылдагы тажрыйбабызда мындай кооздук өзгөчө майрамдык шаң жаратарына күбө болгонбуз", — деди Алмамбетова. 

Маалыматка караганда балатынын бийиктиги 23 метрден кем болбойт. Ал эми балаты отун жандыруу аземи 19-декабрь күнү ишке ашат. 

"Салтанатка бардык шаардыктарды чакырабыз. Бул күнү майрамдык концерт уюштурулуп, көрүүчүлөрдү флешмобдор жана чакан сюрприздер күтөт. Азыр айрымдар чет өлкөлүк жылдыздар келерин сөз кылып жатышат. Бирок мэрияда буга каражат каралган эмес", — деди Алмамбетова.

Бирок мэрия шаардыктар жана шаар конокторунун катышуучусу менен Mannequin Challenge флешмобун уюштурууну пландап жатат. 

Mannequin Challenge — бул бир нече адамдын арасын оператор аралап тартып жүргөн кезде алардын кыймылсыз катып турган флешмобу. Бул акцияны өткөн айда АКШнын Флорида штатынын мектеп окуучулары баштаган.

Жаңылыктар түрмөгү
0