БИШКЕК, 29-ноя. — Sputnik. Мамлекеттик "Ак-Толкун" ишканасынын директору Бекболсун Кыдыкбаев кармалды. Бул тууралуу УКМК билдирди.
Эске сала кетсек, 2014-жылдын 14-ноябрында президенттин жана өкмөттүн иш башкармалыгына караштуу мамлекеттик "Ак Толкун" ишканасынын директору Кыдыкбаевге жана бир нече адамдарга карата КРдин Кылмыш жаза кодексинин 171 — "Ишенип берилген мүлктү ыйгарып алуу же төлөмөр болуу" жана 304 – "Кызмат абаланын кыянаттык менен пайдалануу" беренелери менен кылмыш иши козголуп, издөөгө алынган.
"Бүгүн, 30-ноябрь күнү УКМК Башкы прокуратура жана ТИМ менен биргеликте издөөгө алынган Бекболсун Кыдыкбаевди Бишкекке алып келди. Ал АКШда кармалды", — деп жазылат маалыматта.
Кыдыкбаев мамлекеттик бюджетке ири суммадагы залал келтирген деп айтыпталууда.
