Мэрия "Дыйкан" базарын жабуу үчүн документтерди даярдап жатат

© Sputnik / Табылды КадырбековДыйкан базарындагы сатуучулар. Архив
Дыйкан базарындагы сатуучулар. Архив - Sputnik Кыргызстан
Жазылуу
Үстүбүздөгү жылдын 6-10-октябрь күндөрү өткөн текшерүүлөр базар өрт коопсуздугунун талаптарына жооп бербей турганын жана антисанитардык абалда экенин аныктаган.

БИШКЕК, 15-ноя. — Sputnik. Бишкек мэриясы "Дыйкан" базарын жаптыруу үчүн тиешелүү документтерди даярдап жаткандыгын муниципалитет кабарлады. 

Эске салсак, мындай чечим базарда аныкталган бир катар мыйзам бузуулардан улам адамдардын ден соолугуна кам көрүү жана коопсуздугун сактоо максатында Мамлекеттик экологиялык-техникалык инспекция тарабынан кабыл алынган.

"Мамлекеттик экологиялык-техникалык инспекциясы берген коопсуздукту сактоо эрежелерине туура келбеген жагдайларды калыбына келтирүү тапшырмасын базардын администрациясы толук аткарган эмес", — деп айтылат маалыматта. 

Дыйкан базарындагы таштанды - Sputnik Кыргызстан
Акыр-чикирге толгон базар — Бишкектин эки ири базарындагы таштанды
Үстүбүздөгү жылдын 6-10-октябрь күндөрү өткөн текшерүүлөр базар өрт коопсуздугунун талаптарына жооп бербей турганын жана антисанитардык абалда экенин аныктаган. Мындан тышкары, Фучик менен Товарная көчөлөрүнүн эки жагына токтогон унаалардан улам көп чакырымга созулган тыгын пайда болуп келген. Бул ошол аймакта жашаган тургундарга бир топ ыңгайсыздыктарды жараткан. 

Ошондой эле базар менен нефть базасынын аралыгы 30 метрди гана түзөт. Эреже боюнча нефть сакталган жайдын алыстыгы 100 метрден кем болбоосу керек. 

"Учурда Товарная көчөсүндө жайгашкан нефть базасында 350 куб Аи-92 үлгүсүндөгү күйүүчү май бар. Эгер капысынан өрт чыгып кете турган болсо базардан качып чыгууга кошумча жолдор жок. Кырдаал трагедияга алып келиши ыктымал", — деп белгиленет маалыматта. 

Учурда Бишкек мэриясы жарандардын коопсуздугу менен ден соолугун сактоо максатында "Дыйкан" базарын жаптыруу максатында керектүү бардык документтерди даярдап жатканы маалыматта баса белгиленген. 

Жаңылыктар түрмөгү
0