ИИМ: Түркия Vefa Center борборунун негиздөөчүсүн кайтарып бергиле деп кайрылган эмес

© Sputnik / Табылды КадырбековСотрудник милиции города Бишкек
Сотрудник милиции города Бишкек - Sputnik Кыргызстан
Жазылуу
Түркиянын укук коргоо органдары Фетхуллах Гүлендин уюмунун мүчөсү делип издөөдө жүргөндөрдүн тизмесин жарыялады. Алардын кайда экенин айткандарга акчалай сыйлык берилери да айтылды. Мисалы, Бишкектеги Vefa Center борборун курган Мустафа Өзжандын кайда экенин айткандарга 1,3 миллион доллар берилет.

БИШКЕК, 27-окт. — Sputnik. Түркия Интерпол аркылуу Мустафа Өзжанды берүү боюнча КР Ички иштер министрлигине эч кандай билдирүү берип, же кайрылган эмес. Бул тууралуу министрликтин маалымат кызматы Sputnik Кыргызстан агенттигине билдирди.

ИИМ ошондой эле Өзжандын кайда экенин билбей турганын жана ал өлкө мыйзамдарын бузбагандыгын маалымдады.

Мектеп. Архивдик сүрөт - Sputnik Кыргызстан
ЖМК: КР менен Өзбекстандагы Гүлендин мектептеринде ЦРУнун 130 агенти иштеген
Буга чейин Түркиянын ички иштер министрлиги динаятчы Фетхуллах Гүлендин уюмуна мүчө делген кишилердин тизмесин жарыялаган. Анда 37 кишинин аты бар. Алардын сегизөө өтө коркунучтуу делип "кызыл" категориясына киргизилген. Анын ичинде Мустафа Өзжан да бар (ал "гүлен революциясынын имамы" болгон). Анын кайда экенин айткандарга түрк бийлиги 4 миллион лира (1,3 миллион доллар) берилерин убадалады.

Түркиянын Sozcu интернет-басылмасынын билдиришинче, Мустафа Өзжан "Кайнар Холдинг" ишканасынын директорлор кеңешинин төрагасы. Бул ишканага 19 компания кирет. Алар негизинен жарнама агенттиги, соода комплекстери, басмаканалар, маалымат агенттиги, билим берүү мекемелери, канцелярдык дүкөн, туристтик жана логистикалык фирмалар.

Өзжан Кыргызстанда "Кайнак Холдинг" жана "Өзгүн Иншаат" курулуш компанияларынын башкармалыгынын төрагасы катары белгилүү. Алар 2006-жылы Бишкектеги Vefa Center борборун курушкан. Ушул эле жылы июнь айында түрк ишкери ошол кездеги президент Курманбек Бакиев менен жолугуп, көп тармактуу комплексти ишке берүү маселесин талкуулашкан.

Бир жылдан кийин ушундай эле аталыштагы соода борбору Душанбе шаарында курулган. Анын ачылышына Тажикстандын премьер-министри, Түркиянын элчиси жана Мустафа Өзжан өзү катышкан.

Бишкектеги соода борборунун маалымат кызматы аталган жайдын учурдагы жетекчилери КР жарандары экенин айтып, алардын Өзжан менен байланышы жок экенин маалымдашты. Ошондой эле, соода борбордун ээлери ким экени коммерциялык сыр экенин билдиришти.

Кармалган киши. Архивдик сүрөт - Sputnik Кыргызстан
Түркияда кармалган "Кыргызстандын имамы" гүленчилерге тиешеси жоктугун айтты
2016-жылы 15-июлдан 16-июлга караган түнү Түркияда аскердик төңкөрүш кылууга аракеттер болгон. Негизги окуялар Анкара менен Стамбул шаарларында өткөн. Түрк бийлиги революциялык мындай аракеттердин артында учурда АКШда жашап жаткан динаятчы Фетхуллах Гүлендин турганын айтышкан. Гүлен болсо түрк бийлигинин мындай айыптоолорун акылга сыйбай турганын билдирип, аларды четке каккан. Расмий Анкара АКШдан динаятчыны кайтарып берүүнү бир нече ирет сураган.

Июль окуяларынын кийин Түркиянын Тышкы иштер министри Мевлүт Чавушоглу Кыргызстанды да Гүлендин жактоочуларына карата чара көрүүгө чакырган. КРдин Тышкы иштер министрлиги түрк министринин айткандарын осол кадам десе, өлкө башчысы Алмазбек Атамбаев аны акылга сыйбай турган билдирүү экенин билдирген.

Жаңылыктар түрмөгү
0