БИШКЕК, 21-окт. — Sputnik. Ушул дем алышта жарандар үчүн ата мекендик өндүрүшчүлөр тарабынан даярдалган азык-түлүктөрдүн, жер-жемиштердин жарманкеси өтөт. Бул тууралуу Бишкек шаарынын мэриясынан билдиришти.
Маалыматка ылайык, Чүй облусунун дыйкандары, фермерлери жашылча-жемиштерин, бал, сүт жана эт азыктарын сатып алуучуларга түздөн-түз сунуштайт.
Жарманке төмөнкү даректерде өткөрүлөт.
- Ленин району боюнча "Жал" кичирайонунда Тыналиев көчөсүндө;
- Октябрь району боюнча Токомбаев көчөсүндө жайгашкан "Асанбай" кичи-базарында;
- Свердлов районунун тургундары үчүн Ауэзов менен Салиева көчөлөрүнүн кесилишинде;
- Биринчи Май районунда Фрунзе көчөсүнүн Ибраимов жана Шопоков көчөлөрүнүн ортосундагы бөлүгүндө өткөрүлөт.
Бишкек шаарынын мэриясы бардык каалоочуларды жарманкеден экологиялык жактан таза айыл чарба азык-түлүктөрүн арзан сатып алууга чакырат.
