10:21 05 Бештин айы 2016
Түз эфир
Помидор өстүрүү. Архивдик сүрөт

Бишкекте айыл чарба азыктарын экспорттоону өнүктүрүү боюнча семинар өтүүдө

© Sputnik / Алексей Мальгавко
Коом
Кыскача шилтеме алуу
47 0 0

Ата мекендик өндүрүшчүлөрдүн азык-түлүктөрүн чет өлкөгө чыгаруу бүгүнкү күндүн талабы. Аталган көйгөйлөрдүн алкагында жана алгылыктуу кадамдарды жасоо боюнча адистер арасында эки күндүк семинар өтүүдө.

БИШКЕК, 19-окт. — Sputnik. Бишкекте Айыл чарба азыктарын экспорттоону өнүктүрүү боюнча семинар өтүүдө. Бул тууралуу ФАОнун (БУУнун азык-түлүк жана тамак-аш программасы) башкы кеңсесинин соода базар бөлүмүнүн экономисти Екатерина Кривонос билдирди.

Анын айтымында, иш-чарага ФАОнун, эл аралык соода борборлорунун, Казакстан жана Украина өлкөлөрүнүн адистери келишти.

"Эки күндүк семинарда чет элдик адистерден кеп-кеңештери эске алынып, азык-түлүктөрдү экспорттоону өнүктүрүү боюнча иш-аракеттер башталат. Эгер кыргызстандык ишкерлер тарабынан долбоорлор сунушталса, ФАО материалдык жактан колдоого даяр", — дейт Кривонос.

Экономист семинардын жүрүшүндө айтылган сын-пикирлерди айтып берди.

"Учурда айрым азыктарга санитардык жана фитосанитардык талаптар коюлуп, ЕАЭБге кирбей токтоп турат. Бул сыяктуу тоскоолдуктарды чечүү керек", — деп айтты ФАОнун өкүлү. 

Ошондой эле Кривонос иш-чаранын башкы максаты айыл чарба азыктарын экспорттоону өнүктүрүү планын ишке ашыруу үчүн улуттук, эл аралык эксперттердин жана мамлекеттик түзүмдөрдүн арасында тажрыйба алмашуу экенин белгиледи.

Тема боюнча

ЕАЭБ менен чет мамлекеттер КР продукциясын эмне үчүн алгысы келбейт?
Рынок үчүн күрөш же ЕАЭБге кирген Кыргызстан бир жылда эмне тапты
Белгилер:
экспорт, соода, азык-түлүк, БУУнун Бүткүл дүйнөлүк азык-түлүк программасы

ЭҢ МААНИЛҮҮ