БИШКЕК, 29-сен. — Sputnik. Норвегиянын биологдору жылкылар өзгөчө ойлонууга жөндөмдүү экенин аныктап чыгышты. Бул тууралуу РИА Новости агенттиги Applied Animal Behaviour Science журналына шилтеме берүү менен жазып чыкты.
Жылкылардын акыл-эси окумуштуулар арасында бир нече жылдан бери талаш-тартыш жаратып келет. Мисалы, мындан 100 жыл мурда Германияда "Акылдуу Ганс" аттуу жылкы болгон. Ал жөнөкөй арифрметикалык эсептерди чыгарып, календарды дагы карап турууга жөндөмдүү болгону айтылып келет. "Акылдуу Ганс" элдин алдына чыкканда туура жооптуу туягы менен жерди тепкилеп билдирип турган.
Ал эми скептиктер "Гансты" эсеп чыгара алган эмес, болгону ал ээсинин жашыруун берген белгилерине гана реакция жасаган деп келишет.
Ослодогу ветеринардык институттун окумуштуусу Сесилия Мейделл менен анын кесиптештери жылкылар чынында эле айрым символдорду колдонуу менен өз оюн ээсине жеткире аларын аныкташкан.
