КРди эл аралык арбитраждык сотко берген Наделдин доо арызы канааттандырылган жок

© AFP / Gil Cohen Magen/POOLСот балкасы. Архив
Сот балкасы. Архив - Sputnik Кыргызстан
Жазылуу
"АзияУниверсалБанк" ААКтын директорлор кеңешинин төрагасы Михаил Надель аталган банктагы анын акциясынын улутташтырылышы мыйзамсыз экенин айтып, 450 миллион сом компенсация талап кылган.

БИШКЕК, 26-сен. — Sputnik. Кыргызстан "АзияУниверсалБанк" ААКтын директорлор кеңешинин төрагасы Михаил Наделдин доо арызы боюнча ишти Лондон шаарындагы эл аралык арбитраждык сотунда токтотууга жетишти. Бул тууралуу КР өкмөтү билдирди. 

Эске салсак, Надель өзүнүн АУБдагы акциясынын улутташтырылганы үчүн 450 миллион доллар компенсация талап кылган.

Ал 2012-жылы 25-сентябрда берген доо арызында КР Улуттук банктын жетекчилигинин "АзияУниверсалБанкка" киргизген убактылуу режимин жокко чыгарууну жана АУБды улутташтарууну мыйзамсыз деп таанууну өтүнгөн. Андан сырткары, Кыргызстандан ага тиешелүү болгон 59 пайыз акциянын улутташтырылышы боюнча компенсация катары 450 миллион доллар талап кылган.

Кыргыз өкмөтүнүн жыйы. Архив - Sputnik Кыргызстан
Кыргыз өкмөтү Centerra Gold Inc. компаниясындагы үлүшүнүн кыскарышына каршы
2016-жылы 21-сентябрда Лондондо арбитраждык сот Наделдин арбитраждын процессуалдык буйруктарын аткарбаганы үчүн иш өндүрүшүн токтотуу боюнча чечим кабыл алган.

Учурда Кыргызстан Наделден юридикалык чыгымдар үчүн корогон каражаттын ордун төлөп берүүнү талап кылуу аракеттерин көрүүдө.

Кыргызстандын кызыкчылыгын эл аралык арбитраждык сотто King & Wood Mallesons эл аралык юридикалык компаниясы менен жергиликтүү "Сатаров, Аскаров жана Партнеры" юридикалык компаниясы коргогон.

Эске салсак, аталган иш АУБдун мурдагы акционерлери тарабынан Кыргызстанга карата козголгон үчүнчү арбитраждык өндүрүш болуп саналат. Буга чейинки эки иште доо арыздар инвесторлор тарабынан чакыртылып алынган. Ошондой эле аларга Кыргызстандын сот ишине короткон чыгымдардын ордун толтуруп берүү милдеттендирилген.

Жаңылыктар түрмөгү
0